ନୂଆଦିଲ୍ଲୀ,୧୮।୮: ଭାରତୀୟ କ୍ରିକେଟ ଦଳର କିମ୍ବଦନ୍ତୀ ବିରାଟ କୋହଲି ପଡ଼ିଆକୁ ଫେରିବାକୁ ପ୍ରସ୍ତୁତ ଅଛନ୍ତି। ସେ ଇଂଲଣ୍ଡ ଗସ୍ତ ପରେ ବିଶ୍ରାମ ନେଇଥିଲେ। କୋହଲି ନିଜର ଖରାପ ଫର୍ମ ପାଇଁ ବାରମ୍ବାର ସମାଲୋଚନାର ଶିକାର ହେଉଛନ୍ତି। କିନ୍ତୁ ବର୍ତ୍ତମାନ ତାଙ୍କ ପ୍ରତ୍ୟାବର୍ତ୍ତନ ସହିତ ପ୍ରଶଂସକମାନେ ଭଲ ପ୍ରଦର୍ଶନ ଆଶା କରିବେ। ଏସିଆ କପ ପୂର୍ବରୁ ବିରାଟ କୋହଲି ମାନସିକ ସ୍ବାସ୍ଥ୍ୟ ଉପରେ ଏକ ବଡ଼ ମନ୍ତବ୍ୟ ଦେଇଛନ୍ତି। ସେ କହିଛନ୍ତି, ଯଦି ମୋତେ ସମର୍ଥନ କରୁଥିବା ଲୋକମାନେ ଗୋଟିଏ ରୁମ୍ରେ ଅଛନ୍ତି, ସେଠାରେ ଥିଲେ ବି ବେଳେବେଳେ ଏକାକୀ ଅନୁଭବ କରେ।
୩୩ ବର୍ଷୀୟ ବିରାଟ କୋହଲି ଏକ ସାକ୍ଷାତକାରରେ କହିଛନ୍ତି, ଜଣେ ଖେଳାଳିଙ୍କ ପାଇଁ ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଉଛି ତାଙ୍କ ଖେଳ। ଖେଳ ଖେଳାଳିଙ୍କୁ ଶ୍ରେଷ୍ଠ କରିଥାଏ। କିନ୍ତୁ ମାନସିକ ଚାପ ସ୍ବାସ୍ଥ୍ୟ ଉପରେ ଖରାପ ପ୍ରଭାବ ପକାଇଥାଏ। ଏହା ଏକ ଗମ୍ଭୀର ପ୍ରସଙ୍ଗ। ଯଦି ଜଣେ ଖେଳାଳିଙ୍କ ଖେଳ ଉପରେ ନଜର ହଟିଯିବ, ତେବେ ଚାରିପାଖରେ ସବୁକିଛି ଶେଷ ହେବା ପାଇଁ ଅଧିକ ସମୟ ଲାଗିବ ନାହିଁ। ତେଣୁ ସମୟକୁ କିପରି ବଣ୍ଟାଯିବ କରାଯିବ ତାହା ଶିଖିବା ଉଚିତ ଯାହା ଦ୍ୱାରା ସନ୍ତୁଳନ ବଜାୟ ରହିବ। ଜଣଙ୍କର ମନରେ କ’ଣ ଘଟୁଛି ଜାଣିବା ଅତ୍ୟନ୍ତ ଜରୁରୀ ଅଟେ।
