ମୁମ୍ବାଇ, ୯ା୬: ଭାରତୀୟ ପେସର ମହମ୍ମଦ ସିରାଜଙ୍କୁ ଓ୍ବାର୍କଲୋଡ୍ ମ୍ୟାନେଜମେଣ୍ଟର ଅଂଶ ଭାବେ ଆଗାମୀ ଆୟର୍ଲାଣ୍ଡ ଓ ଇଂଲଣ୍ଡ ଟୁରରୁ ବିଶ୍ରାମ ଦିଆଯାଇଛି। ତାଙ୍କ ବଦଳରେ ପ୍ରସିଦ୍ଧ କ୍ରିଷ୍ଣାଙ୍କୁ ଦଳରେ ସାମିଲ କରାଯାଇଛି। ଏହି ପରିବର୍ତ୍ତନ ସମ୍ପର୍କରେ ବିସିସିଆଇ ପକ୍ଷରୁ ମଙ୍ଗଳବାର କୁହାଯାଇଛି।
ଲମ୍ବା ଇଣ୍ଟରନ୍ୟାଶନାଲ ସିଜନ ପୂର୍ବରୁ ସତର୍କତାମୂଳକ ଭାବେ ଏହି ନିଷ୍ପତ୍ତି ନିଆଯାଇଛି। ବିସିସିଆଇ ମେଡିକାଲ ଟିମ୍ ଓ ଟିମ ମ୍ୟାନେଜମେଣ୍ଟ ମଧ୍ୟରେ ଆଲୋଚନା ପରେ ରିକଭର ଲାଗି ତାଙ୍କୁ ପର୍ଯ୍ୟାପ୍ତ ସମୟ ଦେବା ପାଇଁ ବିଶ୍ରାମ ନେବାକୁ ପରାମର୍ଶ ଦିଆଯାଇଛି।
ସିରାଜଙ୍କୁ ଟି୨୦ ବିଶ୍ୱକପ୍ ଦଳରେ ବିଳମ୍ବରେ ସାମିଲ କରାଯାଇଥିଲା। ଆଇପିଏଲ୍ରେ ସେ ସମସ୍ତ ୧୭ ମ୍ୟାଚ୍ ଖେଳି ୧୯ ଉଇକେଟ ନେଇଥିେଲେ। ଆଇପିଏଲ୍ ପରେ ସେ ଆଫଗାନିସ୍ତାନ ବିପକ୍ଷ ଟେଷ୍ଟରେ ଖେଳିଥିଲେ।
