କରୀନା ଏବେ ବେଶ୍ ଉତ୍ସୁକତାର ସହ ଡିସେମ୍ବରକୁ ଅପେକ୍ଷା କରିଛନ୍ତି। ହେଲେ କ’ଣ ପାଇଁ ଜାଣନ୍ତି ? ସେହି ମାସ ୨୭ରେ ପରଦା ଉପରକୁ ଆସୁଛି କରନ୍ ଜୋହରଙ୍କ ‘ଗୁଡ୍ ନ୍ୟୁଜ୍’। ଏହି ଫିଲ୍ମରେ କରୀନାଙ୍କ ନାୟକ ଭାବରେ ଅଭିନୟ କରିଛନ୍ତି ଅକ୍ଷୟ କୁମାର। କିଆରା ଆଡଓ୍ବାନୀ ମଧ୍ୟ ଏହି ଫିଲ୍ମରେ ଏକ ଗୁରୁତ୍ୱପୂର୍ଣ୍ଣ ଭୂମିକାରେ ଅଭିନୟ କରୁଛନ୍ତି। ଏହି ଫିଲ୍ମ ବ୍ୟତୀତ ଇରଫାନ ଖଁ। ଏବଂ କରୀନାଙ୍କୁ ନେଇ ନିର୍ମିତ ‘ଅଂଗ୍ରେଜି ମିଡିୟମ’ ମଧ୍ୟ ରିଲିଜ ଅପେକ୍ଷାରେ ରହିଛି। ‘ଏହି ଫିଲ୍ମ ଦ୍ୱୟରେ ମୋତେ ଯେଉଁ ଭୂମିକା ମିଳିଛି ତାହାର ସଫଳତାକୁ ନେଇ ବେଶ୍ ଆଶା ରହିଛି। ବିଶେଷଭାବରେ ଅକ୍ଷୟଙ୍କ ସହ ମୋର ଯୋଡିକୁ ଦର୍ଶକ ନିଶ୍ଚୟ ଗ୍ରହଣ କରିବେ। କରୀନା ଏବେ ଶୁଟିଂରୁ ସାମୟିକ ବ୍ରେକ୍ ପାଇଛନ୍ତି। ତେଣୁ କୁଆଡେ ବୁଲାବୁଲି ନ କରି ପରିବାର ସଦସ୍ୟଙ୍କ ସହ ସମୟ କଟାଉଛନ୍ତି।
