ଭବାନୀପାଟଣା,୨୦।୯(ଡି.ଏନ୍.ଏ.): କଳାହାଣ୍ଡି ଜିଲା ଅମଲା ସଂଘ ତରଫରୁ ସ୍ଥାନୀୟ ଅମଲା ଭବନଠାରେ ଏକ ଜରୁରୀ ବୈଠକ ସଂଘର ସଭାପତି ସୁକାନ୍ତ କୁମାର ମହାପାତ୍ରଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଯାଇଛି। ଏହି ବୈଠକରେ ଜିଲାର ବିଭିନ୍ନ ସରକାରୀ କାର୍ଯ୍ୟାଳୟରେ କାର୍ଯ୍ୟରତ ଅମଲାମାନେ ଯୋଗଦେଇ ଆଲୋଚନାରେ ଭାଗ ନେଇଥିଲେ। ଏଥିରେ ରାଜ୍ୟ ସରକାର କର୍ମଚାରୀଙ୍କୁ ସପ୍ତମ ବେତନ କମିଶନ ଅନୁଯାୟୀ ତୁରନ୍ତ ଘରଭଡ଼ା ଓ ବକେୟା ୬୦ ପ୍ରତିଶତ ବେତନ ୧.୧.୨୦୧୬ରୁ ପ୍ରଦାନ ପାଇଁ ଦାବି ଉପସ୍ଥାପନ କରାଯାଇଥିଲା। ନଚେତ୍ ଆଗାମୀ ଦିନରେ ସମଗ୍ର ଜିଲାରେ ଅମଲାମାନେ ବାଧ୍ୟ ହୋଇ ଆନ୍ଦୋଳାମତ୍କ ପନ୍ଥା ଗ୍ରହଣ ଅବଲମ୍ବନ କରିବାକୁ ଚେତାବନୀ ଦେଇଛନ୍ତି। ଉକ୍ତ ବୈଠକରେ ସଂଘର ସାଧାରଣ ସମ୍ପାଦକ ସୁନିଲ କାନୁନ୍ଗୋ, ଉପଦେଷ୍ଟା ରୂପ କିଶୋର ଦଳେଇ, ଅଭିମନ୍ୟୁ ମହାନନ୍ଦ, ପ୍ରସନ୍ନ ପଟ୍ଟନାୟକ, ଭାବଗ୍ରାହୀ ନାୟକ ପ୍ରମୁଖ ଭାଗନେଇଥିବା ବେଳେ କୋଷାଧ୍ୟକ୍ଷ ମନୋରଞ୍ଜନ ଛତ୍ରପାଳ ଧନ୍ୟବାଦ ଦେଇଥିଲେ।
