ଲଣ୍ଡନ,୩।୫: ଇଂଲଣ୍ଡ କ୍ରିକେଟର ଜୋଶ ବେକର ମାତ୍ର ୨୦ ବର୍ଷ ବୟସରେ ଦୁନିଆରୁ ବିଦାୟ ନେଇଛନ୍ତି। କାଉଣ୍ଟି କ୍ରିକେଟରେ ୱର୍କେଷ୍ଟେଶାୟାର୍ ପାଇଁ ବେକର୍ ଖେଳିଥିଲେ। ମୃତ୍ୟୁର ଗୋଟିଏ ଦିନ ପୂର୍ବରୁ ସେ ୩ ଉଇକେଟ ନେଇଥିଲେ। ୱର୍କେଷ୍ଟେଶାୟାର୍ ଦଳ ସୋସିଆଲ ମିଡିଆରେ ତାଙ୍କ ଖେଳର ଏକ ଭିଡିଓ ମଧ୍ୟ ଶେୟାର କରିଛି। ବେକର୍ ଏକ ଇନିଂସରେ ୨୦ ଓଭର ବୋଲିଂ କରିଥିଲେ। ଏହି ସମୟରେ ୬୬ ରନ ପାଇଁ ୩ ଉଇକେଟ ନେଇଥିଲେ।
ବେକରଙ୍କ ମୃତ୍ୟୁ ପରେ ଇଂଲଣ୍ଡ ଏବଂ ୱେଲ୍ସ କ୍ରିକେଟ ବୋର୍ଡ ଦଃଖ ପ୍ରକାଶ କରିଛି। ୱର୍କେଷ୍ଟେଶାୟାର୍ ଏକ୍ସରେ ଲେଖିଛି, ଜୋସ ବେକରଙ୍କ ୨୦ ବର୍ଷ ବୟସରେ ଦେହାନ୍ତ ହୋଇଥିବାର ଘୋଷଣା କରିବା ଅତ୍ୟନ୍ତ ଦୁଃଖଦାୟକ। ଏହି ଦୁଃଖ ସମୟରେ ଆମେ ସମସ୍ତେ ଜୋଶଙ୍କ ପରିବାର ପାଇଁ ପ୍ରାର୍ଥନା କରନ୍ତୁ।
ବେକର ୨୨ଟି ପ୍ରଥମ ଶ୍ରେଣୀ ମ୍ୟାଚରେ ୪୩ ଉଇକେଟ ନେଇଛନ୍ତି। ସେ ୧୭ ତାଲିକା ଏ ମ୍ୟାଚ ରେ ୨୪ ଉଇକେଟ ନେଇଛନ୍ତ। ଗୁରୁତ୍ୱପୂର୍ଣ୍ଣ କଥା ହେଉଛି ବେକର୍ ବୋଲିଂ କରିବା ସହିତ ବ୍ୟାଟିଂରେ ଉତ୍କର୍ଷତା ପ୍ରଦର୍ଶନ କରିଛନ୍ତି। ସେ ପ୍ରଥମ ଶ୍ରେଣୀ ମ୍ୟାଚରେ ୪୧୧ ରନ ସଂଗ୍ରହ କରିଛନ୍ତି। ଏହି ଅବଧି ମଧ୍ୟରେ ସେ ୨ ଅର୍ଦ୍ଧଶତକ ହାସଲ କରିଛନ୍ତି।
ଜୋସ ବେକର୍ ୨୦୨୧ରେ ତାଙ୍କର ପ୍ରଥମ ଶ୍ରେଣୀରେ ଡେବ୍ୟୁ କରିଥିଲେ। ସେ ଚଳିତ ବର୍ଷ ତାଲିକା ଏରେ ମଧ୍ୟ ଡେବ୍ୟୁକରିଥିଲେ। ସେ ୨୦୨୨ରେ ତାଙ୍କ କ୍ୟାରିୟରର ପ୍ରଥମ ଟି-୨୦ ମ୍ୟାଚ ଖେଳିଥିଲେ।
