ପ୍ରତିଦିନ ସକାଳେ ଅଭ୍ୟାସ କରି ଅଧଗ୍ଲାସେ ହଳଦୀ ପାଣି ପିଇଲେ ଅନେକ ଉପକାର ମିଳିଥାଏ। ଫାଳେ ଲେମ୍ବୁ, ଗୋଟେ ଚାମଚର ଏକ ଚତୁର୍ଥାଂଶ ହଳଦୀ, ଗୋଟେ ଗ୍ଲାସ୍ ଗରମ ପାଣି ଓ ଅଳ୍ପ ମହୁ ମିଶାଇ ଏହାକୁ ପ୍ରସ୍ତୁତ କରାଯାଏ। ହାର୍ଟ ପାଇଁ ହଳଦୀ ପାଣି ବେଶ୍ ଉପକାରୀ ସାବ୍ୟସ୍ତ ହୋଇଥାଏ। ନିୟମିତ ହଳଦୀମିଶା କ୍ଷୀର ପିଇବା ଦ୍ୱାରା ରକ୍ତ ଜମାଟ ବାନ୍ଧିବା ଆଶଙ୍କା ହ୍ରାସ ପାଏ ଓ ରକ୍ତ ପରିଷ୍କାର ହୁଏ। ଫଳରେ ହାର୍ଟ ଆଟାକ୍ ଆଶଙ୍କା ରୁହେ ନାହିଁ। ହଳଦୀ ପାଣିରେ କ୍ୟାନସର୍ ପ୍ରତିରୋଧକ ଶକ୍ତି ରହିଛି ବୋଲି ଆୟୁର୍ବେଦରେ ଉଲ୍ଲେଖ ରହିଛି। ହଳଦୀରେ କରକ୍ୟୁମିନ୍ କେମିକାଲ୍ ରହିଛି। ଏହା ଏକ ଶକ୍ତିଶାଳୀ ଆଣ୍ଟି ଅକ୍ସିଡାଣ୍ଟ ଭାବେ କାମ କରିଥାଏ। ଏହା କ୍ୟାନସର୍ ସୃଷ୍ଟି କରୁଥିବା କୋଷିକାଗୁଡିକୁ ନଷ୍ଟ କରି ଦିଏ । ନିୟମିତ ହଳଦୀ ପାଣି ପିଇଲେ ପାଚନ ଶକ୍ତି ବୃଦ୍ଧି ପାଇଥାଏ। ହଜମ ପ୍ରକ୍ରିୟା ବୃଦ୍ଧି ପାଇବା ଦ୍ୱାରା ପେଟ ସମ୍ବନ୍ଧୀୟ ରୋଗରୁ ମୁକ୍ତି ମିଳେ। ଏହା ଶରୀରରେ ମେଦ ବୃଦ୍ଧି ହେବାକୁ ଦେଇ ନ ଥାଏ।
