ଭାରତ-ଚାଇନା-ତିବ୍ବତ- ସୀମାକୁ ଲାଗି ରହିଥିବା ଚମେଲି ଜିଲା(ଉତ୍ତରାଖଣ୍ଡ)ର ସବାଡ଼ ଗାଁର ଗ୍ରାମବାସୀଙ୍କ ଦେଶ ସେବା ମନୋଭାବ ଖୁବ୍ ନିଆରା। ଏହି ଗାଁରେ ଏବେ ୧୪୦୦ ଲୋକ ରହୁଛନ୍ତି। ଚମେଲି ଜିଲା ମୁଖ୍ୟାଳୟଠାରୁ ୧୧୨ କି.ମି. ଦୂର ଦେବାଲ ବ୍ଲକ୍ର ସବାଡ ଗାଁ ଏକ ସୈନିକ ବହୁଳ ଗାଁ। ଏହି ଗାଁର ପ୍ରତି ପରିବାରରୁ ଅତି କମ୍ରେ ଜଣେ ଦେଶ ସେବା ପାଇଁ କାର୍ଯ୍ୟରତ। ପ୍ରଥମ ବିଶ୍ୱଯୁଦ୍ଧ, ଦିତୀୟ ବିଶ୍ୱଯୁଦ୍ଧରୁ ଆରମ୍ଭ କରି ଦେଶର ସ୍ବାଧୀନତା ଆନ୍ଦୋଳନରେ ସବାଡ଼ର ସୈନିକଙ୍କ ଯୋଗଦାନ ଇତିହାସ ପୃଷ୍ଠାରେ ସୁବୁଦିନ ପାଇଁ ଉଲ୍ଲେଖ ହୋଇ ରହିବ। ଏହି ଗାଁର ୨୨ ଜଣ ସୈନିକ ପ୍ରଥମ ବିଶ୍ୱଯୁଦ୍ଧରେ ଭାଗ ନେଇଥିଲେ ଓ ଦୁଇ ସୈନିକ ଶହୀଦ ହୋଇଥିଲେ। ପ୍ରଥମ ବିଶ୍ୱ ଯୁଦ୍ଧରେ ଶହୀଦ ଯବାନଙ୍କ ସ୍ମୃତିରେ ସବାଡ଼ରେ ସ୍ମୃତି ସ୍ତମ୍ଭ ନିର୍ମାଣ କରାଯାଇଛି। ଏହାକୁ ଅମର ଶହୀଦ ସ୍ମାରକ କୁହାଯାଉଛି। ଦ୍ୱିତୀୟ ବିଶ୍ୱଯୁଦ୍ଧରେ ମଧ୍ୟ ଏହି ଗାଁରୁ ୩୮ସୈନିକ ବ୍ରିଟିଶ ସେନା ପକ୍ଷରୁ ଲଢ଼ିଥିଲେ। ଇଂରେଜ ବିରୋଧରେ ସ୍ବାଧୀନତା ସଂଗ୍ରାମରେ ସବାଡ଼ର ସୈନ୍ୟଙ୍କ ଯୋଗଦାନ ମଧ୍ୟ ଅବିସ୍ମରଣୀୟ। ଏବେ ବି ଭାରତୀୟ ସେନାରେ ୧୦୬ ଯବାନ ରହିଛନ୍ତି। ପୂର୍ବଜମାନେ ଦେଶସେବାର ପଥ ଦେଖାଇଯାଇଛନ୍ତି ଓ ଏବକାର ପିଢ଼ି ସେମାନଙ୍କ ପଥରେ ଚାଲିଛନ୍ତି।
