କଟକ ଅଫିସ, ୨୫ା୩: କରୋନା ରୋକିବା ପାଇଁ ଏପର୍ଯ୍ୟନ୍ତ କୌଣସି ଔଷଧ ବାହାରି ପାରିନାହିଁ। ଆଉ ଯଦି କୌଣସି ଔଷଧ ଏହା ଭଲ ହେବା ପାଇଁ ଶୁଣିବାକୁ ମିଳୁଛି ତାହା ବଜାରରୁ ଗାଏବ ହୋଇଯାଇଛି। କିଛିଦିନ ପୂର୍ବେ ଇଣ୍ଡିଆନ କାଉନସିଲ ଫର ମେଡିକାଲ ରିସର୍ଚ୍ଚ(ଆଇସିଏମ୍ଆର)ଗବେଷକମାନେ ମ୍ୟାଲେରିଆ ପାଇଁ ଉର୍ଦ୍ଦିଷ୍ଟ ହାଇଡ୍ରୋକ୍ସି କ୍ଲୋରୋକୁଇନ୍କୁ କରୋନା ରୋଗୀଙ୍କ ଚିକିତ୍ସାରେ ନିୟୋଜିତ ସ୍ବାସ୍ଥ୍ୟକର୍ମୀ କିମ୍ବା ରୋଗୀଙ୍କ ସଂସ୍ପର୍ସରେ ଆସିଥିବା ବ୍ୟକ୍ତିଙ୍କ ପ୍ରତିଷେଧକ ଚିକିତ୍ସା ଭାବେ ବ୍ୟବହାର କରାଯାଇପାରିବ ବୋଲି ମତ ରଖିଥିଲେ। ଫଳରେ ସାଧାରଣ ଜନତା ଏହି ଔଷଧର ବ୍ୟବହାର ଓ ପାର୍ଶ୍ୱ ପ୍ରତିକ୍ରିୟାକୁ ଭଲ ଭାବେ ନ ବୁଝି କିଣିବା ଯୋଗୁ ବଜାରରୁ ହାଇଡ୍ରୋକ୍ସି କ୍ଲୋରୋକୁଇନର ସମସ୍ତ ବ୍ରାଣ୍ଡ ଖାଲି ହୋଇଯାଇଛି। କିନ୍ତୁ ଏହି ଔଷଧ ବ୍ୟବହାର କରିବା ପରେ ଜଣେ ଯେ ନିଶ୍ଚିତ ରୂପେ କରୋନା ସଂକ୍ରମଣର ଶିକାର ହେବ ନାହଁି ତାହା କହିବା ଠିକ୍ ହେବ ନାହଁି ବୋଲି ମେଡିସିନ ସ୍ପେଶାଲିଷ୍ଟ ପ୍ରଫେସର ଜୟନ୍ତ ପଣ୍ଡା କହିଛନ୍ତି। ଏବେ ଏହି ଔଷଧ ଅନାବଶ୍ୟକଭାବେ ସରକାରୀ ଡାକ୍ତରଖାନାରେ କାହାରିକୁ ଦିଆଯାଉ ନ ଥିବା କାରଣରୁ ହସ୍ପିଟାଲ ଫାର୍ମାସୀଗୁଡିକରେ ଉପଲବ୍ଧ ଅଛି ବୋଲି ପ୍ରଫେସର ପଣ୍ଡା କହିଛନ୍ତି।
