ନୂଆଦିଲ୍ଲୀ,୧୧।୫: କୁଲ କ୍ୟାପଟେନ ମହେନ୍ଦ୍ର ସିଂ ଧୋନିଙ୍କ ଫ୍ୟାନ ଫଲୋଇଂ କାହାକୁ ଅଛପା ନାହିଁ। ଯଦି ଏମଏସ ଧୋନି ଭାରତର ଯେକୌଣସି କୋଣରେ ପହଞ୍ଚନ୍ତି, ତେବେ ତାଙ୍କର କ୍ରେଜ ସ୍ପଷ୍ଟ ବାରି ହୋଇପଡେ। ପୁଣିଥରେ ଏମଏସ ଧୋନିଙ୍କ ପ୍ରଶଂସକଙ୍କୁ ଶୁକ୍ରବାର ଅହମ୍ମଦାବାଦର ନରେନ୍ଦ୍ର ମୋଦି ଷ୍ଟାଡିୟମରେ ଦେଖିବାକୁ ମିଳିଛନ୍ତି।
ଜଣେ ପ୍ରଶଂସକ ସୁରକ୍ଷାକୁ ଖାତିର ନ କରି ପଡିଆ ଭିତରକୁ ପ୍ରବେଶ କରିଥିଲେ। ସେ ଏମଏସ ଧୋନିଙ୍କ ନିକଟରେ ପହଞ୍ଚି ତାଙ୍କ ପାଦ ଛୁଇଁ ମୁଣ୍ଡିଆ ମାରିଥିଲେ। ତା’ପରେ ଏମଏସ ଧୋନି ପ୍ରଶଂସକଙ୍କୁ ଉଠାଇ ଆଲିଙ୍ଗନ କଲେ, କାନ୍ଧରେ ହାତ ରଖି କିଛି କହିବାବେଳେ ତାଙ୍କୁ ସାଙ୍ଗରେ କିଛି ବାଟ ନେଇଗଲେ। କିଛି ସମୟ ମଧ୍ୟରେ ସୁରକ୍ଷା କର୍ମୀମାନେ ସେଠାରେ ପହଞ୍ଚି ପ୍ରଶଂସକଙ୍କୁ ଟାଣିବା ଆରମ୍ଭ କଲେ।
ତା’ପରେ ଏମଏସ ଧୋନି ସୁରକ୍ଷା କର୍ମୀଙ୍କୁ ତାଙ୍କ ହାତରେ ଅଟକାଇ ପ୍ରଶଂସକଙ୍କୁ ସୁରକ୍ଷିତ ଭାବରେ ସେମାନଙ୍କ ସହିତ ପଠାଇଲେ। ଏମଏସ ଧୋନିଙ୍କ ଏହି ଶୈଳୀର ଭିଡିଓ ଭାଇରାଲ ହୋଇଛି। ଏହାପରେ ଚେନ୍ନାଇ ସୁପର କିଙ୍ଗ୍ସର ପୂର୍ବତନ ଅଧିନାୟକଙ୍କୁ ବହୁତ ପ୍ରଶଂସା କରାଯାଉଛି।
