ଭାରତର ପ୍ରସିଦ୍ଧ ଅଲରାଉଣ୍ଡ ତଥା ୧୯୮୩ ବିଶ୍ୱକପର ହିରୋ ମହିନ୍ଦର ଅମରନାଥଙ୍କ ଆଜି ୬୯ତମ ଜନ୍ମଦିନ। ସେପ୍ଟେମ୍ବର ୨୪ ୧୯୫୦ ପଟିଆଲାରେ ଜନ୍ମଗ୍ରହଣ କରିଥିବା ଅମରନାଥଙ୍କ ପିତା ଲାଲା ଅମରନାଥ ମଧ୍ୟ ଜଣେ ଲୋକପ୍ରିୟ କ୍ରିକେଟର୍ ଥିଲେ। ତାଙ୍କ ପିଢିକୁ ଆଗକୁ ବଢାଇବା ପାଇଁ ପ୍ରତିଶ୍ରୁତିବଦ୍ଧ ଥିଲେ ମହିନ୍ଦର। ତାଙ୍କ ଯୋଗୁ ଭାରତ ୧୯୮୩ରେ ପ୍ରଥମଥର ପାଇଁ ବିଶ୍ୱ ଚାମ୍ପିୟନ୍ ହେବାର ସ୍ବାଦ ଚାଖିପାରିଥିଲା। ସେ ବିଶ୍ୱକପ୍ ଫାଇନାଲରେ ‘ମ୍ୟାନ୍ ଅଫ୍ ଦ ମ୍ୟାଚ୍’ ବିବେଚିତ ହୋଇଥିଲେ। ସେ ଭାରତ ପାଇଁ ୬୯ଟି ଟେଷ୍ଟ ଖେଳି ୪୩୭୮ ରନ୍ କରିବା ସହ ୩୨ଟି ଉଇକେଟ୍ ନେଇଥିଲେ। ସେହିପରି ୮୫ଟି ଏକଦିବସୀୟ ମ୍ୟାଚ୍ ଖେଳି ୧୯୨୪ ରନ୍ କରି ୪୬ଟି ଉଇକେଟ୍ ନେଇଥିଲେ।
