ବନ୍ତ, ୨ା୬(ଡି.ଏନ୍.ଏ./ସ୍ବ.ପ୍ର.)-ଭଦ୍ରକ ଜିଲା ବନ୍ତ ବ୍ଲକ ଆଡିଆ ପଞ୍ଚାୟତ ଜିରିଣା ଛକ ଠାରୁ ବରଗଢିଆ ଗ୍ରାମକୁ ଯାଇଥିବା ୮ ଶହ ମିଟର ରାସ୍ତା ଦୀର୍ଘ ୧୫ ବର୍ଷ ହେବ ମରାମତି ଅଭାବରୁ ମରଣଯନ୍ତା ପାଲଟିଛି। ରାସ୍ତାରେ ମେଟାଲ ଉଠିବା ସହ ବିଭିନ୍ନ ସ୍ଥାନରେ ଖାଲ ସୃଷ୍ଟି ହୋଇଛି ା ଫଳରେ ସାଇକେଲ ବ୍ୟତୀତ ଅନ୍ୟ କୌଣସି ଯାନବାହନରେ ଯାତାୟାତ କରିବା ସମ୍ଭବପର ହେଉନାହିଁ। ଏପରିକି ଗ୍ରାମ ମଧ୍ୟକୁ ଜରୁରୀ ପରିସ୍ଥିତିରେ ଦମକଳ କିମ୍ବା ଆମ୍ବୁଲାନ୍ସ ଯିବା କଷ୍ଟକର ହୋଇପଡୁଛି। ଏହି ରାସ୍ତା ଉପରେ ବରଗଢିଆ, ଜିରିଣା ଆଦି ଗ୍ରାମର ଲୋକମାନେ ନିର୍ଭର କରୁଛନ୍ତି। ରାସ୍ତା ମରାମତି ନେଇ ଗ୍ରାମବାସୀ ପ୍ରଶାସନ ନିକଟରେ ବାରମ୍ବାର ଦାବି କରିଆସୁଥିଲେ ମଧ୍ୟ କୌଣସି ସୁଫଳ ମିଳୁ ନ ଥିଲା। ଫଳରେ ଗ୍ରାମବାସୀ ନିଜେ ଅର୍ଥ ପ୍ରଦାନ କରି ରାସ୍ତା ମରାମତି କରିଛନ୍ତି। ରାସ୍ତା ମରାମତି କାର୍ଯ୍ୟରେ ଗ୍ରାମର ଗଜେନ୍ଦ୍ର ପହି, କାଶିନାଥ ପହି, କାର୍ତ୍ତିକ ବେହେରା, ତ୍ରିନାଥ ରାଉତ, ଟିମା ରାଉତ, ମଣ୍ଟୁ ବେହେରା, ଚଗୁଲୁ ମଲ୍ଲିକ, ପିତାମ୍ବର ବେହେରା, ଚନ୍ଦ୍ରମଣି ପଣ୍ଡା ପ୍ରମୁଖ ସହଯୋଗ କରିଥିଲେ ା ଏ ସମ୍ପର୍କରେ ସ୍ଥାନୀୟ ସରପଞ୍ଚ ଶଶୀବାଳା ସେଠୀଙ୍କୁ ପଚାରିବାରୁ ଉକ୍ତ ରାସ୍ତା ମରାମତି ପାଇଁ ଏମ୍ଜିଏନ୍ଆର୍ଇଜିଏସ୍ରେ ୩ଲକ୍ଷର ଟଙ୍କାର ଆକ୍ସନ ପ୍ଲାନ୍ ପଠାଯାଇଛି ା ମଞ୍ଜୁର ହେବା ପରେ କାମ ଆରମ୍ଭ ହେବ।
