ଭୁବନେଶ୍ୱର, ୨୨ା୫: ଭାରତୀୟ ହକି ଖେଳାଳି ତଥା ଅଲିମ୍ପିଆନ ଅମିତ ରୋହିଦାସ ‘ପିଏମ୍ ସୂର୍ଯ୍ୟଘର: ମୁଫ୍ତ ବିଜ୍ଲି ଯୋଜନା’ ଅଧୀନରେ ନିଜ ଘରେ ରୁଫ୍ଟପ୍ ସୋଲାର ସିଷ୍ଟମ ସ୍ଥାପନକରି ସୌରଶକ୍ତିକୁ ଆପଣାଇଛନ୍ତି। ଏହି ପଦକ୍ଷେପ ଯୋଗୁ ସୋଲାର ସିଷ୍ଟମ ଲଗାଇବା ଖର୍ଚ୍ଚ ଯଥେଷ୍ଟ କମିଛି ଏବଂ ଏହାସହ ଦୀର୍ଘ ସମୟ ପାଇଁ ବିଦ୍ୟୁତ୍ ବିଲ୍ରେ ମଧ୍ୟ ସଞ୍ଚୟ ସୁନିଶ୍ଚିତ ହୋଇଛି। ତାଙ୍କର ଏହି ନିଷ୍ପତ୍ତି ସ୍ବଚ୍ଛ ଓ ଦୀର୍ଘସ୍ଥାୟୀ ଶକ୍ତି ବିକଳ୍ପକୁ ଆପଣାଇବା ଦିଗରେ ଉପଭୋକ୍ତାମାନଙ୍କ ମଧ୍ୟରେ ବଢୁଥିବା ବିଶ୍ୱାସକୁ ଦର୍ଶାଉଛି।
ନିଜର ଅନୁଭୂତି ବାଣ୍ଟି ଅମିତ କହିଛନ୍ତି, ଆମେ ଯେତେବେଳେ ପଡ଼ିଆରେ ଖେଳୁ ଆମ ପାଇଁ ପ୍ରତିଟି ସେକେଣ୍ଡ ଗୁରୁତ୍ୱପୂର୍ଣ୍ଣ ହୋଇଥାଏ। ଠିକ୍ ସେହିପରି ଆମ ଘର ପାଇଁ ପ୍ରତି ୟୁନିଟ୍ ବିଦ୍ୟୁତ୍ ମଧ୍ୟ ଗୁରୁତ୍ୱପୂର୍ଣ୍ଣ। ପିଏମ ସୂର୍ଯ୍ୟଘର: ମୁଫ୍ତ ବିଜ୍ଲି ଯୋଜନା ମାଧ୍ୟମରେ ମୁଁ ସୌର ଶକ୍ତି ଆପଣେଇଛି ଏବଂ ୧,୩୮,୦୦୦ ଟଙ୍କାର ଅନୁଦାନ ଲାଭ କରିଛି। ଏଭଳି ଏକ ଯୋଜନା ପାଇଁ ମୁଁ ସରକାରଙ୍କୁ ଧନ୍ୟବାଦ ଜଣାଇବା ସହ
ଏହି ବ୍ୟବସ୍ଥା ସ୍ଥାପନ କରିବାରେ ସାହାଯ୍ୟ କରିଥିବାରୁ ମୁଁ ଟିପିସିଓଡିଏଲ୍କୁ ମଧ୍ୟ ଧନ୍ୟବାଦ ଦେଉଛି’ ବୋଲି ସେ କହିଛନ୍ତି।
