ଆକାଶରେ ଏକ ରହସ୍ୟମୟ ଆଲୋକ ଦେଖାଦେଲା, ଯାହା ଏଲିଅନ ବିଷୟରେ ଚର୍ଚ୍ଚା ଆରମ୍ଭ ହୋଇଯାଇଛି। ହଠାତ୍ ଅନ୍ଧାର ରାତିରେ ଆକାଶରେ ଏକ ଚମକଦାର ଆଲୋକ ଦେଖାଗଲା, ଯାହା ଲୋକଙ୍କୁ ଭୟଭୀତ କରିଦେଲା। କେତେକ ଏହାକୁ UFO କହୁଥିବାବେଳେ ଆଉ କେତେକ ଏହା ଏଲିଅନ ବୋଲି କହିଛନ୍ତି। ଏହି ଘଟଣାର ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଛି।
ଏହି ଘଟଣା କାନାଡାର ବ୍ରିଟିଶ କଲମ୍ବିଆରେ ଘଟିଥିବା ଜଣାପଡ଼ିଛି। ସେଠାରେ ରାତି ପ୍ରାୟ ୧୦ଟା ବେଳେ ଅନେକ ଲୋକ ଆକାଶରେ ଏକ ଅଦ୍ଭୁତ ଆଲୋକ ଦେଖିଥିଲେ। ଆଲୋକ ଧିରେ ଧିରେ ଗତି କରୁଥିଲା ଏବଂ ଏକ ବଡ଼ ମେଘ ପରି ଦେଖାଯାଉଥିଲା।
ଯେଉଁମାନେ ଝଲସୁଥିବା ଆଲୋକକୁ ଦେଖୁଥିଲେ ସେମାନେ କହିଥିଲେ ଯେ, ସେମାନେ ପୂର୍ବରୁ ଏପରି କିଛି ଦେଖି ନ ଥିଲେ। ସେମାନେ ଦାବି କରିଥିଲେ ଯେ, ପ୍ରଥମ ଥର ପାଇଁ ସେମାନେ ଏପରି ଆଲୋକ ଦେଖିଛନ୍ତି। ସେମାନେ ଏହି ଦୃଶ୍ୟକୁ ନିଜ କ୍ୟାମେରାରେ କଏଦ କରିଥିଲେ ଏବଂ ଭିଡିଓଟିକୁ ସୋସିଆଲ ମିଡିଆରେ ଶେୟାର କରିଥିଲେ। ଏଥିରେ ଆକାଶରେ ଏକ ଉଜ୍ଜ୍ୱଳ ଆଲୋକ ଦେଖାଯାଉଛି।
କେତେକ ଏହାକୁ ଏକ ଉଲ୍କାପିଣ୍ଡକୁ ମଧ୍ୟ ଦାୟୀ କରିଛନ୍ତି, ଯେତେବେଳେ ଅନ୍ୟମାନେ ଏହାକୁ UFO ଏବଂ ଏଲିଅନଙ୍କ ସହିତ ଯୋଡ଼ିଛନ୍ତି। ସ୍ଥାନୀୟ ଗଣମାଧ୍ୟମ ରିପୋର୍ଟ ଅନୁଯାୟୀ, ଜଣେ ମହିଳା କହିଛନ୍ତି, ତାଙ୍କୁ ଲାଗୁଥିଲା ଯେପରି ଏକ ବଡ଼ ଦୁର୍ଘଟଣା ଘଟିଛି ଏବଂ ଆକାଶରେ କିଛି ବିସ୍ଫୋରଣ ହୋଇଛି।
ଅନେକ ବିତର୍କ ପରେ ବୈଜ୍ଞାନିକ ଏବଂ ଜ୍ୟୋତିର୍ବିଜ୍ଞାନୀମାନେ ରହସ୍ୟ ପ୍ରକାଶ କରିଛନ୍ତି। ସେମାନେ କହିଥିଲେ ଯେ ଏହା କୌଣସି UFO କିମ୍ବା ଏଲିଅନ ନୁହନ୍ତି। ସେମାନେ କହିଥିଲେ ଯେ, ଏକ ରକେଟ ଲଞ୍ଚ ଯୋଗୁ ଏପରି ଆଲୋକ ଦେଖାଯାଉଥିଲା।
ବିଶେଷଜ୍ଞମାନେ କହିଛନ୍ତି ଯେ, ଆମେରିକାର କାଲିଫର୍ନିଆରୁ ଏକ ମହାକାଶ ରକେଟ୍ ଲଞ୍ଚ କରାଯାଇଥିଲା। ରକେଟ ଉପର ବାୟୁମଣ୍ଡଳରେ ପହଞ୍ଚିବା ମାତ୍ରେ ଏଥିରୁ ନିର୍ଗତ ଧୂଆଁ ଏବଂ ଗ୍ୟାସ୍ ସୂର୍ଯ୍ୟକିରଣରେ ଝଲସିବାକୁ ଲାଗିଲା, ଯାହା ଆକାଶରେ ଏକ ଆକୃତି ସୃଷ୍ଟି କଲା। ବୈଜ୍ଞାନିକମାନେ ଏହାକୁ ଜେଲିଫିସ୍ ପ୍ରଭାବ ବୋଲି କହିଛନ୍ତି।
