ନୂଆଦିଲ୍ଲୀ,୧୯।୩: ଆଇପିଏଲ ୨୦୨୫ର ପ୍ରଥମ ମ୍ୟାଚ ମାର୍ଚ୍ଚ ୨୨ରେ ଖେଳାଯିବ। ଏହି ମ୍ୟାଚ କୋଲକାତା ନାଇଟ ରାଇଡର୍ସ ଓ ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ ମଧ୍ୟରେ ଖେଳାଯିବ। ଆରସିବି ଏବେ ବି ନିଜର ପ୍ରଥମ ଟାଇଟଲକୁ ଅପେକ୍ଷା କରିଛି। ଆରସିବି ଥରେ ବି ଆଇପିଏଲ ଟାଇଟଲ ଜିତିପାରିନାହିଁ। ସେପଟେ ବିରାଟ କୋହଲିଙ୍କ ଜଣେ ପୂର୍ବତନ ସାଥୀଙ୍କୁ ନେଇ ଏକ ରୋଚକ ଖବର ସାମ୍ନାକୁ ଆସିଛି । କୋହଲିଙ୍କ ସହ ଖେଳିଥିବା ତନ୍ମୟ ଶ୍ରୀବାସ୍ତବ ଆଇପିଏଲରେ ଅମ୍ପାୟାରିଂ କରିବେ।
ତନ୍ମୟ ଶ୍ରୀବାସ୍ତବ ୨୦୦୮ରେ ୧୯ ବର୍ଷରୁ କମ ବିଶ୍ୱକପରେ ବିରାଟ କୋହଲିଙ୍କ ଅଧିନାୟକତ୍ୱରେ ଖେଳିଥିଲେ। କୋହଲିଙ୍କ ନେତୃତ୍ୱରେ ଟିମ ଇଣ୍ଡିଆ ଏହି ଟାଇଟଲ ଜିତିଥିଲା। କୋହଲିଙ୍କ ସହ ଖେଳିଥିବା ତନ୍ମୟଙ୍କୁ ଏବେ ନୂଆ ଭୂମିକାରେ ଦେଖିବାକୁ ମିଳିବ। ତାଙ୍କୁ ମ୍ୟାଚ ଅଫିସିଆଲ ଦାୟିତ୍ୱ ଦିଆଯାଇଛି। ଆଇପିଏଲ ପାଇଁ ତନ୍ମୟଙ୍କୁ ଅମ୍ପାୟାର ଭାବେ ଚୟନ କରାଯାଇଛି। ତେବେ ସେ ଫିଲ୍ଡ ଅମ୍ପାୟାର ଭାବେ ଦାୟିତ୍ୱ ତୁଲାଇବେ ନାହିଁ।
ତନ୍ମୟ ପ୍ରାୟ ୫ ବର୍ଷ ତଳେ କ୍ରିକେଟ ଛାଡ଼ିଥିଲେ। ଏହାପରେ ସେ ଅମ୍ପାୟାରିଂ କୋର୍ସ କରିଥିଲେ। ତନ୍ମୟ ଦୁଇ ବର୍ଷ ପାଇଁ ଲେଭେଲ-୨ ପାଠ୍ୟକ୍ରମ ଶେଷ କରିବା ପରେ ଘରୋଇ କ୍ରିକେଟରେ ଅମ୍ପାୟାରିଂ ଆରମ୍ଭ କରିଥିଲେ। ଏବେ ସେ ଆଇପିଏଲରେ ଅମ୍ପାୟାର ଭାବେ ମନୋନୀତ ହୋଇଛନ୍ତି। ୟୁପିସିଏ ମଧ୍ୟ ଏକ୍ସରେ ଏ ବିଷୟରେ ଏକ ପୋଷ୍ଟ ସେୟାର କରିଛି ।
ଅମ୍ପାୟାର ହେବା ମାତ୍ରେ ତନ୍ମୟ ବିଶ୍ୱ ରେକର୍ଡ ସ୍ଥାପନ କରିଛନ୍ତି। ଆଇପିଏଲ ଖେଳିବା ପରେ ସେ ସେହି ଟୁର୍ନାମେଣ୍ଟରେ ଅମ୍ପାୟାରିଂ କରିବେ। ଆଇପିଏଲରେ ସେ ପଞ୍ଜାବ କିଙ୍ଗସ ଦଳର ସଦସ୍ୟ ଥିଲେ। ତନ୍ମୟ ୨୦୦୭ରୁ ୨୦୦୯ ପର୍ଯ୍ୟନ୍ତ ପଞ୍ଜାବ କିଙ୍ଗ୍ସର ସଦସ୍ୟ ଥିଲେ। ତେବେ ସେହି ସମୟରେ ଦଳର ନାମ ଥିଲା କିଙ୍ଗ୍ସ ଇଲେଭେନ ପଞ୍ଜାବ।
ତନ୍ମୟ ୯୦ଟି ପ୍ରଥମ ଶ୍ରେଣୀ ମ୍ୟାଚ ଖେଳିଛନ୍ତି। ଏହି ସମୟ ମଧ୍ୟରେ ସେ ୪୯୧୮ ରନ କରିଛନ୍ତି। ଏହି ଫର୍ମାଟରେ ସେ ୧୦ଟି ଶତକ ଓ ୨୭ଟି ଅର୍ଦ୍ଧଶତକ ହାସଲ କରିଛନ୍ତି। ଲିଷ୍ଟ ଏରେ ତନ୍ମୟ ୧୭୨୮ ରନ କରିଛନ୍ତି। ଲିଷ୍ଟ-ଏରେ ସେ ୭ଟି ଶତକ ଓ ୧୦ଟି ଅର୍ଦ୍ଧଶତକ ହାସଲ କରିଛନ୍ତି।
A true player never leaves the field—just changes the game.
Wishing Tanmay Srivastava the best as he dons a new hat with the same passion!#UPCA #IPL #UP #PrideOfUP pic.twitter.com/wrRoW31OG2— UPCA (@UPCACricket) March 17, 2025
