ନୂଆଦିଲ୍ଲୀ,୧୭।୧: ସୋସିଆଲ ମିଡିଆରେ ଏକ ଭାଇରାଲ ହେବାରେ ଲାଗିଛି। ଏହି ଭାଇରାଲ ଭିଡିଓରେ ପାକିସ୍ତାନର ଉଇକେଟ କିପର ବ୍ୟାଟ୍ସମ୍ୟାନ ମହମ୍ମଦ ରିଜୱାନ ନଜର ଆସିଛନ୍ତି। ରିଜୱାନ ଏପରି କିଛି କରିଥିଲେ, ଯାହାକୁ ସେ ନିଜେ ବିଶ୍ୱାସ କରିପାରି ନ ଥିଲେ। ପାକିସ୍ତାନ ଦଳ ବ୍ୟାଟିଂ କରୁଥିବାବେଳେ ମହମ୍ମଦ ରିଜୱାନ କ୍ରିଜରେ ଥିଲେ। ନ୍ୟୁଜିଲାଣ୍ଡ ପାଇଁ ଷଷ୍ଠ ଓଭର ବୋଲିଂ କରିବାକୁ ଦ୍ରୁତ ବୋଲର ମ୍ୟାଟ ହେନେରୀ ଆସିଥିଲେ। ଏହି ଓଭରର ପଞ୍ଚମ ବଲରେ ମହମ୍ମଦ ରିଜୱାନ ମିଡ ଉଇକେଟ ଆଡକୁ ଖେଳିଥିଲେ, କିନ୍ତୁ ଏହା ପରେ ସେ ଭାରସାମ୍ୟ ହରାଇଥିଲେ। ଭାରସାମ୍ୟ ହରାଇବା ପରେ ମହମ୍ମଦ ରିଜୱାନଙ୍କ ବ୍ୟାଟ ତଳେ ପଡିଯାଇଥିଲା। ସେ ବ୍ୟାଟ ବିନା ରନ ଶେଷ କରିବାକୁ ଦୌଡିଥିଲେ। ଏହା ପରେ ସେ ନିଜ ଗ୍ଲୋଭସ ସହିତ ଭୂମି ସ୍ପର୍ଶ କରି ପ୍ରଥମ ରନ ଶେଷ କରିବାକୁ ଚେଷ୍ଟା କଲେ, ତାପରେ ଦ୍ୱିତୀୟ ରନ ପାଇଁ ଦୌଡିଥିଲେ। ଯଦିଓ ମହମ୍ମଦ ରିଜୱାନ ତାଙ୍କ ଉଇିକେଟ ବଞ୍ଚାଇବାରେ ସଫଳ ହୋଇଥିଲେ ମଧ୍ୟ ସେ ଏକ ବଡ ଭୁଲ କରିଥିଲେ। ଯେତେବେଳେ ସେ ପ୍ରଥମ ରନ ନେବାବେଳେ ଭୂମି ସ୍ପର୍ଶ କରିଥିଲେ, ସେତେବେଳେ ତାଙ୍କ ଗ୍ଲୋଭ୍ସ ଲାଇନରେ କିମ୍ବା ଭିତରେ ନ ଥିଲା। ଏହା ପରେ ଅମ୍ପାୟାର ଏକ ସଟ ରନ ଘୋଷଣା କରିଥିଲେ। ମହମ୍ମଦ ରିଜୱାନ ରିପ୍ଲେରେ ଏସବୁ ଦେଖିବା ପରେ ହସିଥିଲେ।
https://twitter.com/NihariVsKorma/status/1747558341176418466
