କଟକ,୨୭।୪: ରାଜ୍ୟ ସଭା ଏମ୍ପି ଦିଲ୍ଲୀପ ରାୟ ସୋମବାର କଟକ ଗସ୍ତରେ ଆସି ବରିଷ୍ଠ ନେତା ମହମ୍ମଦ ମୋକିମ୍ଙ୍କୁ ଭେଟିଛନ୍ତି। ଏପରିକି ମୋକିମଙ୍କ ବାସଭବନରେ ଦିଲୀପ ବିଧାୟିକା ସୋଫିଆ ଫିର୍ଦ୍ଦୋସଙ୍କୁ ମଧ୍ୟ ଭେଟି ବିଭିନ୍ନ ବିଷୟରେ ଆଲୋଚନା କରିଥିବା ସୂଚନା ମିଳିଛି।
ରାଜ୍ୟ ସଭା ନିର୍ୱାଚନରେ ତାଙ୍କୁ ବିଧାୟିକା ସୋଫିଆ ଫିର୍ଦ୍ଦୋସ ସମର୍ଥନ କରିଥିବାରୁ ଧନ୍ୟବାଦ ଜଣାଇବାକୁ ଆସିଥିବା ଦିଲ୍ଲୀପ ଗଣମାଧ୍ୟମକୁ କହିଛନ୍ତି। ସୋଫିଆ ଏବଂ ମୋକିମଙ୍କ ସହଯୋଗରେ ରାଜ୍ୟ ସଭା ନିର୍ୱାଚନରେ ବିଜୟ ହୋଇଥିବା ଦିଲୀପ କହିଛନ୍ତି। ଅନ୍ୟପକ୍ଷେ ମୋକିମ୍ ଏବଂ ସୋଫିଆଙ୍କୁ ଭେଟିବା ପଛରେ ଅନ୍ୟ କୌଣସି ରାଜନୈତିକ ଉଦ୍ଦେଶ୍ୟ ନ ଥିବା ଦିଲୀପ ପ୍ରକାଶ କରିଛନ୍ତି।
