ମସ୍କୋ,୨୭।୪: ଇରାନର ବୈଦେଶିକ ମନ୍ତ୍ରୀ ଆବାସ ଆରାଘଚି ସୋମବାର ରୁଷିଆ ରାଷ୍ଟ୍ରପତି ଭ୍ଲାଦିମିର ପୁଟିନ୍ଙ୍କୁ ଭେଟିଛନ୍ତି। ବୈଠକ ପରେ ରାଷ୍ଟ୍ରପତି ପୁଟିନ୍ ଇରାନକୁ ତାଙ୍କର ଗଭୀର ଆଶ୍ୱାସନା ଜଣାଇ କହିଛନ୍ତି ଯେ ରୁଷିଆ ଇରାନ ଏବଂ ମଧ୍ୟପ୍ରାଚ୍ୟର ସର୍ବୋତ୍ତମ ସ୍ବାର୍ଥ ପାଇଁ ସବୁକିଛି କରିବାକୁ ପ୍ରସ୍ତୁତ। ଏହି ଅଞ୍ଚଳରେ ଶାନ୍ତି ପ୍ରତିଷ୍ଠା ପାଇଁ ରୁଷିଆ ଯାହା କରିବାକୁ ପ୍ରସ୍ତୁତ ତାହା କରିବ।
ରିପୋର୍ଟ ଅନୁଯାୟୀ, ରାଷ୍ଟ୍ରପତି ପୁଟିନ୍ ଆରାଘଚିଙ୍କୁ କହିଛନ୍ତି ଯେ ଇରାନବାସୀ ସେମାନଙ୍କର ସାର୍ବଭୌମତ୍ୱ ପାଇଁ ସାହସର ସହିତ ଲଢ଼ୁଛନ୍ତି। ସେ ଆଶା କରୁଛନ୍ତି ଯେ ଏହି କଷ୍ଟକର ସମୟ ଅତିକ୍ରମ କରିବା ପରେ ଇରାନ ଶାନ୍ତି ପାଇବ।
ଆବାସ ଆରାଘଚି କହିଛନ୍ତି , ଇରାନ-ରୁଷିଆ ସମ୍ପର୍କ ଏକ ରଣନୈତିକ ସହଭାଗୀତା ଯାହା ଆହୁରି ଦୃଢ଼ ହେବ। ରୁଷ ରାଷ୍ଟ୍ରପତି ମଧ୍ୟ ଜୋର ଦେଇଥିଲେ ଯେ ମସ୍କୋ ଇରାନ ସହିତ ତାର ରଣନୈତିକ ସମ୍ପର୍କ ଜାରି ରଖିବ। ଆରାଘଚି କାତାର, ସାଉଦି ଆରବ, ଓମାନ ଏବଂ ପାକିସ୍ତାନର ନେତାମାନଙ୍କ ସହିତ ସାକ୍ଷାତ କରିବା ପରେ ରୁଷିିଆରେ ପହଞ୍ଚିଥିଲେ। ସେ ଚୁକ୍ତିର କିଛି ସର୍ତ୍ତାବଳୀ ତାଙ୍କ ସହିତ ବହନ କରୁଛନ୍ତି ଏବଂ ପୁଟିନ୍ଙ୍କ ସମର୍ଥନ ଲୋଡୁଛନ୍ତି ବୋଲି ବିଶ୍ୱାସ କରାଯାଉଛି।
