YourDesiCart ନାମକ ଏକ ଅନ୍ଲାଇନ ଶପିଙ୍ଗ ଏବଂ ପାର୍ସେଲ ସେବା ପ୍ଲାଟଫର୍ମକୁ କ୍ରୟ କରିଛି Garudavega (NexGen Logistics ର ଏକ ଅଂଶ)। ଏହା ଦ୍ୱାରା ଗରୁଡବେଗା (Garudavega) ଆନ୍ତର୍ଜାତୀୟ e-commerceରେ ଶକ୍ତିଶାଳୀ ହେବା ସହ ଆମେରିକା, ଅଷ୍ଟ୍ରେଲିଆ, ୟୁରୋପ ଏବଂ ମିଡଲ ଇଷ୍ଟରେ ସେବା ବିସ୍ତାର ପାଇଁ ଯୋଜନା ପ୍ରସ୍ତୁତ କରିଛି।
୨୦୨୦ରେ ଆରମ୍ଭ ହୋଇଥିବା YourDesiCart ବିଦେଶରେ ରହୁଥିବା ଭାରତୀୟଙ୍କୁ ଉପଯୁକ୍ତ ସେବା ଯୋଗାଇ ଦେଉଛି। ୯୦,୦୦୦ରୁ ଊର୍ଦ୍ଧ୍ୱ ବ୍ୟବହାରକାରୀ ଏହାର ବ୍ୟବହାର କରୁଥିବା ବେଳେ ୨୨୦ରୁ ଅଧିକ ଦେଶକୁ ସେବା ଯୋଗାଉଛି। ଗ୍ରାହକମାନେ ଭାରତର କୌଣସି ଦୋକାନରୁ online କିମ୍ବା offlineରେ ଜିନିଷ କିଣି YourDesiCart ମାଧ୍ୟମରେ ବିଦେଶକୁ ପଠାଇପାରିବେ। ଏପରିକି ଗ୍ରାହକଙ୍କୁ Locker address, parcel consolidation ଏବଂ assisted shopping ଭଳି ସେବା ମଧ୍ୟ ଯୋଗାଇ ଦିଆଯିବ।
ବର୍ତ୍ତମାନ Garudavega ସହିତ କାମ କରିବ YourDesiCart। ଏହା ଦ୍ୱାରା ସାମଗ୍ରୀ ଡେଲିଭରି ଦ୍ରୁତ ହେବା ସାଙ୍ଗକୁ ଯୋଗାଇ ଦିଆଯାଉଥିବା ସେବା ଆହୁରି ବିଶ୍ୱସନୀୟ ହୋଇ ଗ୍ରାହକଙ୍କ ଖର୍ଚ୍ଚକୁ କମ୍ କରିବ।
NexGen Logisticsର CEO ସତୀଶ ଲକ୍କରାଜୁ କହିଛନ୍ତି ଯେ, YourDesiCart ଗ୍ରାହକଙ୍କ ପାଇଁ ଏକ ଭଲ ସମାଧାନ ପ୍ରସ୍ତୁତ କରିଛି। ଏହା ଗ୍ରାହକଙ୍କୁ ଆହୁରି ଭଲ ଶପିଙ୍ଗ ଅନୁଭବ ଦେଇପାରିବ।
YourDesiCartର ସଂସ୍ଥାପିକା ସତ୍ୟା ଅୟ୍ୟାଗାରି କହିଛନ୍ତି, ଭାରତୀୟ ସାମଗ୍ରୀକୁ ସମଗ୍ର ବିଶ୍ୱରେ କିପରି ସହଜରେ ପହଞ୍ଚାଇ ହେବ ଏହା ଆମର ଲକ୍ଷ୍ୟ। Gurudavegaର ସ୍କେଲ୍ ଏବଂ ଲଜିଷ୍ଟିକ୍ସ ଶକ୍ତି ଦ୍ୱାରା ବିକାଶକୁ ତ୍ୱରାନ୍ବିତ କରି ଗ୍ରାହକଙ୍କୁ ବିଶ୍ୱସ୍ତରୀୟ ସପିଂ ଅଭିଜ୍ଞତା ପ୍ରଦାନ କରାଯାଇପାରିବ।
YourDesiCart ବର୍ତ୍ତମାନ ହାଇଦ୍ରାବାଦରୁ କାର୍ଯ୍ୟ କରୁଥିବା ବେଳେ ତୁରନ୍ତ ଭାରତର ଅନ୍ୟ ସହରଗୁଡ଼ିକୁ ସେବା ବିସ୍ତାର କରିବ। ଏହା ଦ୍ୱାରା ଡେଲିଭରି ସମୟ ପୂର୍ବାପେକ୍ଷା କମିବ ଏବଂ ଭାରତୀୟ ବ୍ୟବସାୟୀ ବିଶ୍ୱ ବଜାରରେ ନୂତନ ସୁଯୋଗ ପାଇପାରିବେ।
