ଜୟପୁର,୨୬ା୪: ବର୍ତ୍ତମାନ ଭାରତୀୟ କ୍ରିକେଟର ସବୁଠୁ ଚର୍ଚ୍ଚିତ ନାମ ବୈଭବ ସୂର୍ଯ୍ୟବଂଶୀଙ୍କ ବୃଦ୍ଧି ପାଉଥିବା ପ୍ରଶଂସକଙ୍କ ତାଲିକାରେ ଅଷ୍ଟ୍ରେଲିଆର ଅଧିନାୟକ ପ୍ୟାଟ କୁମିନ୍ସ ସାମିଲ ହୋଇଛନ୍ତି। ୧୫ ବର୍ଷୀୟ ବୈଭବ ଶନିବାର ଖେଳାଯାଇଥିବା ସନ୍ରାଇଜର୍ସ ହାଇଦ୍ରାବାଦ୍ (ଏସ୍ଆର୍ଏଚ୍) ବିପକ୍ଷ ମ୍ୟାଚ୍ରେ ୩୭ ବଲରେ ୧୦୩ ରନର ବିସ୍ଫୋରକ ଶତକୀୟ ଇନିଂସ ଖେଳିଥିଲେ। ତାଙ୍କର ଏହି ଶତକ ସତ୍ତ୍ୱେ ରାଜସ୍ଥାନ ରୟାଲ୍ସ ପରାସ୍ତ ହୋଇଥିଲା।
ଜିତିବା ପରେ ସୂର୍ଯ୍ୟବଂଶୀଙ୍କ ସମ୍ପର୍କରେ ଏସ୍ଆର୍ଏଚ୍ ଅଧିନାୟକ କୁମିନ୍ସ କହିଛନ୍ତି, ମୋ ମତରେ ସେ ମୋର ନୂଆ ଫେଭରାଇଟ୍ ଖେଳାଳି। ସେ ଖୁବ୍ ଜୋରରେ ବଲକୁ ହିଟ୍ କରୁଛନ୍ତି। ଜଣେ ବୋଲର ଭାବେ ତାଙ୍କ ସାମ୍ନାରେ କୌଣସି ତ୍ରୁଟି କରିହେବ ନାହିଁ। କାରଣ ଯଦି ବୋଲର ତ୍ରୁଟି କରନ୍ତି, ତେବେ ସେ ବଲକୁ ଖୁବ୍ ଦୂରକୁ ପଠାଇ ଦେବେ। ସେ ଜଣେ ପ୍ରଭାବଶାଳୀ ଖେଳାଳି। ସେ ଜବରଦସ୍ତ ଷ୍ଟାଇଲରେ ତାଙ୍କ କ୍ୟାରିୟର ଆରମ୍ଭ କରୁଛନ୍ତି ଏବଂ ସେ ଯେଉଁଭଳି ଖେଳୁଛନ୍ତି, ତାହାକୁ ମୁଁ ଖୁବ୍ ପସନ୍ଦ କରେ।
