ମୁମ୍ବାଇ,୨୭।୪: ମୁମ୍ବାଇରୁ ଏକ ହୃଦୟବିଦାରକ ଘଟଣା ସାମ୍ନାକୁ ଆସିଛି। ପାଇଧୁନି ଅଞ୍ଚଳରେ ଗୋଟିଏ ପରିବାରର ଚାରିଜଣଙ୍କ ମୃତ୍ୟୁ ଘଟିଛି। ଏହି ଘଟଣା ସମଗ୍ର ଅଞ୍ଚଳରେ ଦୁଃଖର ଛାୟା ଖେଳିଯାଇଛି ଏବଂ ସମସ୍ତେ ଏହାର କାରଣ ଖୋଜିବାକୁ ଚେଷ୍ଟା କରୁଛନ୍ତି।
ରିପୋର୍ଟ ଅନୁଯାୟୀ, ଡୋକାଡିଆ ପରିବାର ରାତ୍ରୀଭୋଜନରେ ବିରିଆନି ଖାଇଥିଲେ। କିଛି ସମୟ ପରେ ସେମାନେ ତରଭୁଜ ମଧ୍ୟ ଖାଇଥିଲେ। କିନ୍ତୁ ବିଳମ୍ବିତ ରାତିରେ ସମସ୍ତଙ୍କ ସ୍ବାସ୍ଥ୍ୟାବସ୍ଥା ହଠାତ୍ ଖରାପ ହୋଇଗଲା। ତୁରନ୍ତ ସେମାନଙ୍କୁ ଡାକ୍ତରଖାନାକୁ ନିଆଯାଇଥିଲା, ଯେଉଁଠାରେ ଚିକିତ୍ସା ସମୟରେ ଚାରିଜଣଙ୍କ ମୃତ୍ୟୁ ହୋଇଥିବା ଜଣାପଡିଛି।
ମୃତକମାନେ ହେଲେ ଅବଦୁଲ୍ଲା ଡୋକାଡିଆ (୪୦), ତାଙ୍କ ସ୍ତ୍ରୀ ନସରିନ ଡୋକାଡିଆ (୩୫), ଆୟେଶା ଡୋକାଡିଆ (୧୬) ଏବଂ ଜୈନବ ଡୋକାଡିଆ (୧୩) । ଗୋଟିଏ ପରିବାରର ଚାରିଜଣଙ୍କ ମୃତ୍ୟୁ ଅଞ୍ଚଳରେ ଆଲୋଡ଼ନ ସୃଷ୍ଟି କରିଛି।
ପୋଲିସର କହିବା ଅନୁଯାୟୀ, ମୃତ୍ୟୁ ପୂର୍ବରୁ ପରିବାରର ଜଣେ ସଦସ୍ୟ କହିଥିଲେ ଯେ ସେମାନେ ପୂର୍ବ ରାତିରେ ବିରିୟାନି ଏବଂ ତା’ପରେ ତରଭୁଜ ଖାଇଥିଲେ। ତେଣୁ, ଏହା ସ୍ପଷ୍ଟ ନୁହେଁ ଯେ ବିରିୟାନି, ତରଭୁଜରେ ବିଷ ଥିଲା କି ନାହିଁ, ନା ଉଭୟଙ୍କୁ ପ୍ରତିକ୍ରିୟା ଯୋଗୁଁ ଏକାଠି ଖାଇଥିଲେ।
ମୁମ୍ବାଇ ପୋଲିସର କହିବା ଅନୁଯାୟୀ, ପ୍ରାଥମିକ ତଦନ୍ତରୁ ଖାଦ୍ୟ ବିଷାକ୍ତ ହେବାର ଆଶଙ୍କା ରହିଛି, କିନ୍ତୁ ବିରିୟାନି, ତରଭୁଜରେ ବିଷ ଥିଲା କି ନାହିଁ, ନା ଏକାଠି ଖାଇବାରୁ ଫୁଡ୍ ରିଆକ୍ସନ ହେଲା ତାହା ଏପର୍ଯ୍ୟନ୍ତ ସ୍ପଷ୍ଟ ହୋଇନାହିଁ।
ପୋଲିସ ଦୁର୍ଘଟଣାଜନିତ ମୃତ୍ୟୁ ମାମଲା ରୁଜୁ କରି ତଦନ୍ତ ଆରମ୍ଭ କରିଛି। ଖାଦ୍ୟ ନମୁନା ଏବଂ ତରଭୁଜ ଜବତ କରି ପରୀକ୍ଷା ପାଇଁ ପଠାଯାଇଛି। ପୋଷ୍ଟମର୍ଟମ କରାଯାଇଛି, କିନ୍ତୁ ହିଷ୍ଟୋପାଥୋଲୋଜି ରିପୋର୍ଟ ଆସିବା ପରେ ହିଁ ମୃତ୍ୟୁର ପ୍ରକୃତ କାରଣ ସ୍ପଷ୍ଟ ହେବ।
Odisha’s No.1 Odia Daily
