ଧରାକୋଟ,୨୫ା୭(ଡି.ଏନ.ଏ.)- ଧରାକୋଟ ବ୍ଲକର ବାହାରପୁର ପଞ୍ଚାୟତ ଜଗନ୍ନାଥପୁର ଶାସନ ଗ୍ରାମର ରଙ୍କିବନ୍ଧ ପୁନରୁଦ୍ଧାର କାର୍ଯ୍ୟକୁ ନେଇ ଗ୍ରାମର ଦୁଇଗୋଷ୍ଠୀ ମୁହାଁମୁହିଁ ହୋଇଛନ୍ତି। ଗତ ମଙ୍ଗଳବାର ଗଁ।ର ପଶ୍ଚିମ ଦିଗରେ ଥିବା ରଙ୍କିବନ୍ଧରେ ମେଶିନ ଦ୍ୱାରା ପୁନରୁଦ୍ଧାର କାମ ଆରମ୍ଭ ହୋଇଥିଲା। ଏହାକୁ ବିରୋଧ କରି ଗଁ।ର ଏକ ଗୋଷ୍ଠୀ ଭଞ୍ଜନଗର ଉପଜିଲାପାଳଙ୍କୁ ଫୋନ ଦ୍ୱାରା ଅଭିଯୋଗ କରିଥିଲେ। ଉପଜିଲାପାଳ, ଧରାକୋଟ ତହସିଲଦାର, ବିଡିଓଙ୍କୁ ଘଟଣାସ୍ଥଳକୁ ଯିବା ପାଇଁ କହିଥିଲେ। ବିଡିଓ ବ୍ଲକ ସହକାରୀ ଯନ୍ତ୍ରୀଙ୍କୁ ପଠାଇ ଏହାର ସତ୍ୟତା ଜାଣିବା ପରେ ଉଭୟ ତହସିଲଦାର, ବିଡିଓ ଘଟଣାସ୍ଥଳରେ ପହଞ୍ଚତ୍ କାମ ବନ୍ଦ କରିଥିଲେ। ସରକାରୀ ନିୟମ ପ୍ରକାରେ, ଜୁନ ୧୫ରୁ ମାଟି କାମ ହୋଇପାରିବ ନାହିଁ। ଏହାକୁ ଭିତ୍ତିକରି ପ୍ରତିପକ୍ଷ ଗୋଷ୍ଠୀ ସରକାରୀ ଅନୁଦାନରେ ଏହି କାର୍ଯ୍ୟ ହେଉଥିବା ଅଭିଯୋଗ କରିଥିଲେ। ଏହି କାମ ଗଁାର ମହିଳା ଓ ପୁରୁଷ ମିଶି କରୁଥିବା ୨ ବ୍ୟକ୍ତି ଦାବି ରଖିଥିଲେ। ଅପରାହ୍ନରେ ୫୦ରୁ ଊର୍ଦ୍ଧ୍ୱ ମହିଳା ବିଡିଓଙ୍କ ପ୍ରକୋଷ୍ଠରେ ପହଞ୍ଚତ୍ କାମ ବନ୍ଦ ହେବା ଦ୍ୱାରା ଆମର ଯେଉଁ କ୍ଷତି ହେଲା ତାହାର ଭରଣା ନ ହେବା ପର୍ଯ୍ୟନ୍ତ ଆମେ ବ୍ଲକ କାର୍ଯ୍ୟାଳୟରୁ ଯିବୁ ନାହିଁ ବୋଲି କହିଥିଲେ। ଧରାକୋଟ ଥାନାଧିକାରୀ ପହଞ୍ଚତ୍ ତୁମେ ଏହା ଜିଲାପାଳ ଓ ଉପଜିଲାପାଳଙ୍କୁ ଜଣାଅ କହିଥିଲେ। କିନ୍ତୁ ମହିଳାମାନେ ନ ହଟିବାରୁ ସ୍ଥାନୀୟ ତହସିଲଦାର ଘଟଣାସ୍ଥଳରେ ପହଞ୍ଚତ୍ ଏହାର ଉପଯୁକ୍ତ ତଥ୍ୟ ମାଗିଥିଲେ। ସେହି ସମୟରେ ଗ୍ରାମର ଜନୈକ ବ୍ୟକ୍ତି ଆମ ପାଖରେ କାର୍ଯ୍ୟାଦେଶ ରହିଛି। ଏଣୁ ଆମେ କାମ ଆରମ୍ଭ କରିଥିଲୁ। ପ୍ରକାଶ ଯେ, ମହିଳାମାନେ ଏହି ପୁନରୁଦ୍ଧାର କାର୍ଯ୍ୟ ବନ୍ଧରେ ଗାଧୁଆ ଓ ନିତ୍ୟବ୍ୟବହାର ପାଇଁ ନିଜେ ଟଙ୍କା ଖର୍ଚ୍ଚ କରି କରୁଛୁ ବୋଲି କହୁଥିବା ବେଳେ ନିର୍ଦ୍ଦିଷ୍ଟ ବ୍ୟକ୍ତି ଜଣକ ତାଙ୍କ ନିକଟରେ କାର୍ଯ୍ୟାଦେଶ ରହିଛି ବୋଲି କହିଛନ୍ତି। ଶେଷରେ ତହସିଲଦାର ଏ ସମ୍ପର୍କରେ ଜିଲାପାଳ ଓ ଉପଜିଲାପାଳଙ୍କ ନିର୍ଦ୍ଦେଶ ପରେ କାର୍ଯ୍ୟ ହେବ ବୋଲି ପ୍ରକାଶ କରିଛନ୍ତି।
