ଯାତ୍ରା କରିବା କାହାର ବା ପସନ୍ଦ ନୁହେଁ। ହେଲେ ଯାନବାହନରେ ଯାତାୟାତ କଲାବେଳେ ଅନେକ ବ୍ୟକ୍ତି ବାନ୍ତିଜନିତ ସମସ୍ୟାର ସମ୍ମୁଖୀନ ହୋଇଥାନ୍ତି। ଏହି କାରଣରୁ ଲୋକେ ବସ, କାର ଭଳି ଗାଡିରେ ଯାତ୍ରା କରିବାକୁ ପସନ୍ଦ କରି ନ ଥାନ୍ତି। ତେବେ ଏଭଳି ସମସ୍ୟାର ନିରାକରଣ ପାଇଁ କିଛି ସହଜ ଉପାୟ ରହିଛି । ମାତ୍ର କେତୋଟି ଦିଗ ପ୍ରତି ଦୃଷ୍ଟି ଦେଲେ ଏଥିରୁ ରକ୍ଷା ମିଳିପାରିବ।
*ଯାତ୍ରା କରିବା ପୂର୍ବରୁ ଖାଲିପେଟରେ ବେଲପତ୍ର ରସ ଦୁଇ ଚାମଚ, ମିଶ୍ରି ପାଣି ଓ ଗୋଟିଏ କପ ଲେମ୍ବୁ ରସ ପିଅନ୍ତୁ। ଦେଖିବେ ଆଉ ବାନ୍ତି ଲାଗିବନି।
*ଯଦି ଆପଣଙ୍କୁ ଯାତ୍ରା କରିବା ସମୟରେ ବାନ୍ତି ଲାଗୁଛି ତେବେ ଅଳେଇଚ ମଞ୍ଜି ଚୋବାଇ ଖାଆନ୍ତୁ। ଦେଖିବେ ସଙ୍ଗେ ସଙ୍ଗେ ବାନ୍ତି ବନ୍ଦ ହୋଇଯିବ।
* ଯାତ୍ରା ସମୟରେ ଛୋଟ ଅଦା କିମ୍ବା ଅଦାର ପ୍ଲେଭର ଭଳି ଚକୋଲେଟ ପାଖରେ ରଖନ୍ତୁ । ବାନ୍ତି ଲାଗିଲେ ଏହାକୁ ଖାଇବା ଦ୍ୱାରା ଆଉ ବାନ୍ତି ହେବ ନାହିଁ।
* ଯାତ୍ରା କରୁଥିବା ବେଳେ ଖାଇବା ପ୍ରତି ବେଶି ଧ୍ୟାନ ଦିଅନ୍ତୁ। ଏହି ସମୟରେ ଜଙ୍କ ଫୁଡ ଓ ତେଲ ମସଲାଜାତୀୟ ଖାଦ୍ୟ ଖାଇବା ଉଚିତ୍ ନୁହେଁ। ଏହା ଆପଣଙ୍କ ପେଟକୁ କ୍ଷତି ପହଞ୍ଚାଇବାର ସମ୍ଭାବନା ରହିଛି। କିନ୍ତୁ ଖାଲି ପେଟ ରଖନ୍ତୁ ନାହିଁ। ଯାତ୍ରା କରିବା ପୂର୍ବରୁ କିଛି ଖାଇ ନିଅନ୍ତୁ।
