ଆଉ ୯୦ ଟ୍ରେନ୍‌ ବାତିଲ୍‌
7:27 amMarch 21, 2020 / 21

ନୂଆଦିଲ୍ଲୀ,୨୧-୩: ଶୁକ୍ରବାର ରେଲଓ୍ବେ ଆଉ ୯୦ ଟ୍ରେନ ବାତିଲ କରିଛି। ଏଗୁଡିକ ମାର୍ଚ୍ଚ ୨୦ରୁ ୩୧ ଯାଏ ଚଳାଚଳ କରିବ ନାହିଁ। କରୋନା ପ୍ରଭାବରୁ ଯାତ୍ରୀ କମିବା ଯୋଗୁ ରେଳପଥ ପକ୍ଷରୁ ଏଭଳି ନିଷ୍ପତ୍ତି ହୋଇଛି। ଶୁକ୍ରବାରର ବାତିଲ ହୋଇଥିବା ଟ୍ରେନକୁ ସାମିଲ କଲେ ଏବେ ଯାଏ ୨୪୫ ଟ୍ରେନ ବାତିଲ କରାଯାଇଛି। ଗୁରୁବାର ୮୪ ଟ୍ରେନ ବାତିଲ କରାଯାଇଥିଲା। କୋଭିଡ-୧୯ ଯୋଗୁ ପୂର୍ବରୁ ୧୫୫ ଟ୍ରେନ ବାତିଲ ହୋଇଛି। ଯେଉଁ ଲୋକମାନେ ଏଥିରେ ଟିକେଟ କରିଛନ୍ତି ସେମାନଙ୍କୁ ବ୍ୟକ୍ତିଗତ ଭାବେ ବାତିଲ ସମ୍ପର୍କୀତ ସୂଚନା ଦିଆଯାଇଛି। ଏହି ଟ୍ରେନଗୁଡିକ ଲାଗି କୌଣସି କ୍ୟାନସେଲେଶନ ଫି ନିଆଯାଉନାହିଁ। ଗ୍ରାହକଙ୍କୁ ଶତପ୍ରତିଶତ ରିଫଣ୍ଡ ଦିଆଯାଉଥିବା ରେଲଓ୍ବେର ଜଣେ ଅଧିକାରୀ ସୂଚନା ଦେଇଛନ୍ତି। କରୋନା ନେଇ ସତର୍କତା ଅବଲମ୍ବନ କରିବାକୁ ରେଲଓ୍ବେ ପକ୍ଷରୁ ଏହାର ଜୋନ କାର୍ଯ୍ୟାଳୟକୁ ନିର୍ଦ୍ଦେଶ ଜାରି କରାଯାଇଛି। ରେଲଓ୍ବେର ଖାଦ୍ୟ ପରିଚାଳନା ବିଭାରେ ମଧ୍ୟ ଏ ସଂକ୍ରାନ୍ତ ସତର୍କତାକୁ ସୁନିଶ୍ଚିତ କରିବା ଲାଗି କୁହାଯାଇଛି।