ମୁମ୍ବାଇ: ବଲିଉଡ୍ ଅଭିନେତା ସିଦ୍ଧାର୍ଥ ମାଲହୋତ୍ରାଙ୍କ ନାମ ପୂର୍ବରୁ କେତେଜଣ ବଲିଉଡ୍ ନାୟିକାଙ୍କ ସହ ଯୋଡି ହୋଇଥିବା ବେଳେ ଏବେ କିନ୍ତୁ କିୟାରା ଓ ସିଦ୍ଧାର୍ଥଙ୍କ ପ୍ରେମ କାହାଣୀ ରହିଛି ଚର୍ଚ୍ଚାରେ। ସିଦ୍ଧାର୍ଥଙ୍କ ନାମ ସହ ପ୍ରଥମେ ଆଲିଆ ଭଟ୍ଟ, ତାରା ସୁତାରିଆଙ୍କ ନାମକୁ ଯୋଡି ଦିଆଯାଇଥିବା ବେଳେ ଏବେ କିନ୍ତୁ ସିଦ୍ଧାର୍ଥ କିୟାରାଙ୍କ ପ୍ରେମରେ ପାଗଳ ହୋଇଥିବା କୁହାଯାଉଛି। ଏବେ କିନ୍ତୁ ଉଭୟ ସିଙ୍ଗଲ୍ ଥିବା କହୁଛନ୍ତି। ଏପଟେ କିନ୍ତୁ ଶୁଣିବାକୁ ମିଳିଛି କି ସିଦ୍ଧାର୍ଥ ତାଙ୍କ ମନ କଥା କିୟାରାଙ୍କୁ କହି ସାରିଛନ୍ତି। ଆଉ ଏକଥା ଉଭୟଙ୍କ ପରିବାର ପର୍ଯ୍ୟନ୍ତ ପହଞ୍ଚି ସାରିଲାଣି ବୋଲି ଶୁଣିବାକୁ ମିଳିଛି।
