ବ୍ୟସ୍ତବହୁଳ ଜୀବନ ଭିତରେ ଶାନ୍ତିର ନିଦ ଶୋଇବା ଲାଗି କାହା ପାଖେ ସମୟ ନାହିଁ। କାର୍ଯ୍ୟ ବ୍ୟସ୍ତତା ଏବଂ ସମୟର ଘୋର ଅଭାବ ହେତୁ ଅନେକେ ଅନିଦ୍ରା ଭଳି ରୋଗରେ ମଧ୍ୟ ପିଡିତ ହେଉଛନ୍ତି। ଏହାକୁ ଧ୍ୟାନରେ ରଖି ନ୍ୟୁୟର୍କଠାରେ ଖୋଲିଛି ଏଭଳି ଏକ ନାପ୍ ଷ୍ଟୋର ଯେଉଁଠାରେ ଦୂରଦୂରାନ୍ତରୁ ଲୋକମାନେ ଆସି ଆରାମରେ କିଛି ସମୟ ଶୋଇକରି ବିତାନ୍ତି। ଏହି ଷ୍ଟୋରର ନା’ ରହିଛି ‘କ୍ୟାସପର’। ଏଠାରେ ୪୫ ମିନିଟ ଶୋଇବା ପାଇଁ ଗ୍ରାହକଙ୍କୁ ୨୫ ଡଲାର ଦେବାକୁ ପଡିଥାଏ। ଆଉ ଏହି ୪୫ ମିନିଟର ନିଦ ଆପଣଙ୍କୁ ଦିନ ସାରାର ଥକାପଣକୁ ଦୂର କରିବାରେ ସାହାଯ୍ୟ କରିଥାଏ। ତେବେ କ୍ୟାସପରର ଇଣ୍ଟେରିୟର ମଧ୍ୟ ବେଶ୍ ଆରାମଦାୟକ। ଗ୍ରାହକଙ୍କୁ ଶାନ୍ତିର ନିଦ ପ୍ରଦାନ କରିବା ଲାଗି ଏଠାରେ ରହିଛି ୯ ଟି କ୍ୟାବିନ ଯେଉଁଥିରେ ନରମ ଆରାମଦାୟକ ଗଦି ଏବଂ ତକିଆର ବେଡ ରହିଛି। ପ୍ରତ୍ୟେକ କ୍ୟାବିନରେ ଏକ ଟିଭି ମଧ୍ୟ ରହିଛି। ଏହାର ଛାତ ଖୋଲା ଆକାଶ ଭଳି ଦେଖାଯାଏ ଯେଉଁଠି ଆକାଶର ତାରା ସଦୃଶ ଲାଇଟ ମଧ୍ୟ ଲଗାଯାଇଛି।
