ପରଜଙ୍ଗ,୩।୧(ନିଗନନ୍ଦ ଦଳବେହେରା):ଢେଙ୍କାନାଳ ଜିଲା ପରଜଙ୍ଗ ବ୍ଲକ ମୁଖ୍ୟାଳୟ ଠାରୁ ୨ କିମି ଦୂର ୫୩ ନଂ ଜାତୀୟ ରାଜପଥ ପାର୍ଶ୍ୱ ହାତିଲୁଚାଣି ଛକ ନିକଟରେ ଦୀର୍ଘବର୍ଷ ହେବ ଏକ ନୂତନ କୋଠା ନିର୍ମାଣ କରାଯାଇ ସେଠାରେ ସରକାରଙ୍କ ତରଫରୁ ଏକ ଉଦ୍ୟାନ ବିଭାଗ ଖୋଲାଯାଇଛି। ତେବେ ଏହି କାର୍ଯ୍ୟାଳୟରେ କୌଣସି ମୌଳିକ ସୁବିଧା ଚାଷୀମାନଙ୍କୁ ମିଳୁନାହିଁ। ଚାଷୀମାନେ ଯେତେବେଳେ ଉକ୍ତ କାର୍ଯ୍ୟାଳୟକୁ ଆସିଲେ ନାଁ ଅଛନ୍ତି କର୍ମଚାରୀ ନାଁ ରହୁଛନ୍ତି ଅଧିକାରୀ। ଫଳରେ ଚାଷୀ ମାନେ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଥିବା ବେଳେ କୌଣସି ଉପକୃତ ହୋଇପାରୁନାହାଁନ୍ତି। ଯାହାକି ସାଧାରଣରେ ଅସନ୍ତୋଷ ବୃଦ୍ଧି ପାଇଛି। ଉକ୍ତ କାର୍ଯ୍ୟାଳୟରେ ନିଓଜିତ ସହକାରୀ ଉଦ୍ୟାନ ବିଭାଗ ଅଧିକାରୀ ଅମିୟ ସ୍ବାଇଁଙ୍କୁ ପଚାରିବାରୁ ସେ ଛୁଟିରେ ଅଛନ୍ତି। କହୁଥିବା ବେଳେ ଉଦ୍ୟାନ ବିଭାଗ ସମ୍ପ୍ରସାରଣ ଅଧିକାରୀ ସୁକଦେବ ମହନ୍ତ କୁହନ୍ତି ବାବୁ କାର୍ଯ୍ୟାଳୟରେ ଅଛନ୍ତି ମୁଁ ଘରେ ଅଛି। ଯାହାକି ଉଭୟଙ୍କ କଥାର ତାଳ ମେଳ ରହୁନାହିଁ । ମାତ୍ର ପ୍ରକୃତରେ ଉଭୟ କର୍ମଚାରୀ କାର୍ଯ୍ୟାଳୟକୁ ତାଲା ପକାଇ ନୂତନ ବର୍ଷଠାରୁ ଘରେ ରହୁଥିବା ଜଣାପଡିଛି ।
