ଭୁବନେଶ୍ୱର,୮।୭: ବରିଷ୍ଠ ଭାଜପା ନେତା ମନମୋହନ ସାମଲ ଲଗାତାର ଦ୍ୱିତୀୟ ଥର ପାଇଁ ଓଡ଼ିଶା ଭାଜପା ସଭାପତି ଭାବେ ନିର୍ବାଚିତ ହୋଇଛନ୍ତି। ସେ ଏକମାତ୍ର ପ୍ରାର୍ଥୀ ଭାବେ ନାମାଙ୍କନ ଦାଖଲ କରିଥିଲେ, ଯାହା ପରେ କୌଣସି ପ୍ରତିଦ୍ୱନ୍ଦୀ ନ ଥିବାରୁ ତାଙ୍କୁ ନିର୍ବାଚନ ଅଧିକାରୀ ସଞ୍ଜୟ ଜୟସୱାଲ ସଭାପତି ଭାବେ ଘୋଷଣା କରିଛନ୍ତି। ଏହା ତାଙ୍କର ଚତୁର୍ଥ ଥର ପାଇଁ ରାଜ୍ୟ ଭାଜପା ସଭାପତି ଭାବେ ନିର୍ବାଚନ, ଯେଉଁଥିରେ ସେ ୧୯୯୯-୨୦୦୦, ୨୦୦୦-୨୦୦୪ ଏବଂ ୨୦୨୩ ମାର୍ଚ୍ଚରୁ ବର୍ତ୍ତମାନ ପର୍ଯ୍ୟନ୍ତ ଦାୟିତ୍ୱ ତୁଲାଇ ଆସୁଛନ୍ତି।
୨୦୨୪ ନିର୍ବାଚନରେ ମନମୋହନ ସାମଲଙ୍କ ନେତୃତ୍ୱରେ ଭାଜପା ଓଡ଼ିଶାରେ ଐତିହାସିକ ବିଜୟ ହାସଲ କରିଥିଲା। ଦଳ ୧୪୭ ବିଧାନସଭା ଆସନରୁ ୭୮ଟି ଏବଂ ୨୧ ଲୋକ ସଭା ଆସନରୁ ୨୦ଟି ଜିତିଥିଲା। ବିଜେଡି ସହ ମେଣ୍ଟ ନ କରି ଏକାକୀ ନିର୍ବାଚନ ଲଢ଼ିବା ପାଇଁ ମନମୋହନଙ୍କ ଦୃଢ଼ ନିଷ୍ପତ୍ତି ଦଳକୁ ଏକ ନୂଆ ପରିଚୟ ଦେଇଥିଲା।
ମନମୋହନ ସାମଲଙ୍କ ସମ୍ପତ୍ତି: ନିର୍ବାଚନୀ ସତ୍ୟପାଠ ଅନୁଯାୟୀ, ତାଙ୍କ ପାଖରେ ନଗଦ ଟଙ୍କା, ବ୍ୟାଙ୍କ ଆକାଉଣ୍ଟରେ ଜମା ରାଶି, ସ୍ଥାବର ଓ ଅସ୍ଥାବର ସମ୍ପତ୍ତି ରହିଛି। ତାଙ୍କ ନାମରେ ଭୁବନେଶ୍ୱର ଓ ଭଦ୍ରକ ଜିଲାରେ ଜମି ଓ ଘର ରହିଛି। ଏହା ସହ ସେ କିଛି ଗାଡ଼ି ଓ ଅନ୍ୟାନ୍ୟ ଆସ୍ଥାବର ସମ୍ପତ୍ତିର ମାଲିକ। ତାଙ୍କ ମୋଟ ନେଟୱର୍ଥ କୋଟି କୋଟି ଟଙ୍କା। ମନମୋହନ ସାମଲଙ୍କ ମୋଟ Assets ୭.୫ କୋଟି ଟଙ୍କା, ଯେଉଁଥିରେ ୬.୨ କୋଟି ଟଙ୍କା ସ୍ଥାବର ସମ୍ପତ୍ତି ଓ ୧.୩ କୋଟି ଟଙ୍କା ଅସ୍ଥାବର ସମ୍ପତ୍ତି ଅନ୍ତର୍ଭୁକ୍ତ। ତାଙ୍କର ମୋଟ ଘୋଷିତ ଆୟ ୧୪ ଲକ୍ଷ ଟଙ୍କା, ଯେଉଁଥିରୁ ୯ ଲକ୍ଷ ଟଙ୍କା ନିଜ ଆୟ। ମନମୋହନ ସାମଲଙ୍କର ମୋଟ liabilities ୧.୧ କୋଟି ଟଙ୍କା।
ତଥ୍ୟ ଅନୁସାରେ ମନମୋହନଙ୍କ ମୋଟ ସମ୍ପତ୍ତି ୭ କୋଟି। ୨୦୨୩-୨୦୨୪ରେ ତାଙ୍କ ରୋଜଗାର ୯,୦୩,୮୩୦ ଥିଲା । ତାଙ୍କ ନାମରେ ନଗଦ ୧,୪୨,୫୦୦ ଟଙ୍କା ଥିବା ବେଳେ ପତ୍ନୀଙ୍କ ନାମରେ ୧,୫୩,୧୦୦ ଟଙ୍କା ଥିବା ଉଲ୍ଲେଖ ରହିଛି । ଏସବିଆଇ ବ୍ୟାଙ୍କ, ଯାଜପୁରରେ ୨୫ ହଜାରରୁ ଅଧିକ, ଏସବିଆର ବରମୁଣ୍ଡା ସ୍ଥିତ ବ୍ୟାଙ୍କରେ ୫ ଲକ୍ଷ, ନୂଆଦିଲ୍ଲୀ ଏସବିଆଇ ବ୍ୟାଙ୍କରେ ୨ ଲକ୍ଷ ଓ ଭଦ୍ରକ ବ୍ୟାଙ୍କରେ ୯ଲକ୍ଷ ଟଙ୍କା ରହିଛି । ଭୁବନେଶ୍ୱର ୟୁକୋ ବ୍ୟାଙ୍କରେ ୧ ଲକ୍ଷ ଟଙ୍କା ଡିପୋଜିଟ ଅଛି । ଏହା ଛଡା ତାଙ୍କ ନାମରେ Life SBI Insurance Policyରେ ୧୦ ଲକ୍ଷ ଓ PNB Met Life Insurance Policyରେ ୧୦ ଲକ୍ଷ ଜମା ଅଛି ।
ଗହଣା ଭାବରେ ମନମୋହନଙ୍କ ନାମରେ ୩୧ ଲକ୍ଷ ମୂଲ୍ୟର ୪୫ ଗ୍ରାମ ସୁନା ଅଛି । ତାଙ୍କ ନାମରେ ଥିବା କୃଷି ଜମିର ମୂଲ୍ୟ ୨୦ ଲକ୍ଷ ଥିବା ବେଳେ ୫ ଲକ୍ଷର ଅଣ ଚାଷ ଜମି ରହିଛି । ତାଙ୍କର କୌଣସି କମର୍ସିଆଲ ବିଲିଂ ନାହିଁ । ଏହା ସହ ୪୫ ଲକ୍ଷର ବାସଭବନ ଭଦ୍ରକ ରହିଛି । ଭୁବନେଶ୍ୱରରେ ୬୦ ଲକ୍ଷର ରେସିଡେଣ୍ଟାଲ ବିଲଡିଂ ଅଛି । ମନମୋହନ ଏସବିଆଇ ପେନସନ ଲୋନ ଲକ୍ଷେ ଓ ୟୁକୋ ବ୍ୟାଙ୍କରେ ୪୪ ହଜାର ଟଙ୍କା ରହିଛି ।
ମନମୋହନ ସାମଲଙ୍କ ନେତୃତ୍ୱରେ ଭାଜପା ଆଗାମୀ ପଞ୍ଚାୟତ ର୍ନିବାଚନ ୨୦୨୭ ପାଇଁ ପ୍ରସ୍ତୁତି ଆରମ୍ଭ କରିଛି। ସେ ଦଳର ସାଙ୍ଗଠନିକ ସଂରଚନାକୁ ଆହୁରି ମଜବୁତ କରିବା ସହ ସରକାର ଓ ଦଳ ମଧ୍ୟରେ ସମନୱୟ ରକ୍ଷା କରିବେ ବୋଲି ଆଶା କରାଯାଉଛି।
