ଦକ୍ଷିଣ ଭାରତୀୟ ସିନେମା ଜଗତର ଦୁଇଟି ବଡ଼ ନାଁ ଥାଲାପଥି ବିଜୟ ଏବଂ ତ୍ରିଷା କୃଷ୍ଣନ୍। କେତେବେଳେ ସେମାନଙ୍କ ଅନସ୍କ୍ରିନ୍ କେମିଷ୍ଟ୍ରି ତ କେତେବେଳେ ଅଫସ୍କ୍ରିନ୍ ଆଫେୟାର୍, ଏହି ଦୁଇ କଳାକାର ସବୁବେଳେ ଚର୍ଚ୍ଚାରେ ରହିଥା’ନ୍ତି । କିନ୍ତୁ ଏବେ ବିଜୟଙ୍କ ରାଜନୈତିକ ଇନିଂସର ଆରମ୍ଭ ଏବଂ ତ୍ରିଷାଙ୍କ ଏକ ସୋସିଆଲ ମିଡିଆ ପୋଷ୍ଟ ସାରା ଦେଶରେ ଚର୍ଚ୍ଚାର ବିଷୟ ପାଲଟିଛି । ଦୁହିଁଙ୍କ ଭିତରେ ଥିବା ସଂପର୍କ କ’ଣ କେବଳ ବନ୍ଧୁତା ନା ଏହା ପଛରେ ରହିଛି କିଛି ବଡ଼ ସଙ୍କେତ?
ସୁପରଷ୍ଟାର ବିଜୟ ଥାଲାପତି ସାଜିଲେ ତାମିଲନାଡୁର ମୁଖ୍ୟମନ୍ତ୍ରୀ । ଶପଥ ଗ୍ରହଣ ଉତ୍ସବରେ ସମସ୍ତଙ୍କ ନଜର ତାଙ୍କ ପତ୍ନୀ ସଙ୍ଗୀତା ଏବଂ ପିଲାମାନଙ୍କ ଉପରେ ଥିଲା। କିନ୍ତୁ ସଭାସ୍ଥଳରେ ପରିବାର ଅପେକ୍ଷା ଅଭିନେତ୍ରୀ ତ୍ରିଷାଙ୍କ ଉପସ୍ଥିତି ସମସ୍ତଙ୍କୁ ଚକିତ କରିଥିଲା। କେବଳ ସେତିକି ନୁହେଁ, ତ୍ରିଷା ଅତିଥିଙ୍କ ପ୍ରଥମ ଧାଡ଼ିରେ ବସିଥିବାର ଦେଖାଯାଇଥିଲା ଏବଂ ବିଜୟଙ୍କ ବାପା-ମା’ଙ୍କ ସହ ମଧ୍ୟ ସେ ବେଶ୍ ସମୟ ବିତାଇଥିଲେ । ଏହି ଘଟଣା ବିଜୟ-ତ୍ରିଷାଙ୍କ ମଧ୍ୟରେ ଆଫେୟାର ଚର୍ଚ୍ଚାକୁ ପୁଣି ଥରେ ତାଜା କରିଦେଇଛି । ଶପଥ ଗ୍ରହଣ ଉତ୍ସବର ଠିକ୍ ପରେ ପରେ ତ୍ରିଷା ନୀଳ ରଙ୍ଗର ଶାଢ଼ୀ ପିନ୍ଧିଥିବା ଫଟୋ ଇନଷ୍ଟାଗ୍ରାମରେ ସେୟାର କରିଛନ୍ତି । କିନ୍ତୁ ଫଟୋ ଅପେକ୍ଷା ଏହାର କ୍ୟାପସନ ସମସ୍ତଙ୍କୁ ଆଶ୍ଚର୍ଯ୍ୟ କରିଛି । ତ୍ରିଷା ଲେଖିଛନ୍ତି- “ପ୍ରେମ ସବୁବେଳେ ଶକ୍ତିଶାଳୀ”। ପ୍ରଶଂସକମାନେ ଏହାକୁ ବିଜୟଙ୍କ ପାଇଁ ତ୍ରିଷାଙ୍କ ପ୍ରେମର ହିଣ୍ଟ୍ ବୋଲି କହୁଛନ୍ତି । ଆଉ ଏସବୁ ମଧ୍ୟରେ ଜ୍ୟୋତିଷ ବେଣୁ ସ୍ୱାମୀଙ୍କ ଏକ ଭବିଷ୍ୟବାଣୀ ନିଆଁରେ ଘିଅ ଢାଳିବା ପରି କାମ କରିଛି । ତାଙ୍କ ମତରେ, ବିଜୟଙ୍କ ରାଜନୈତିକ ସଫଳତା ପଛରେ ତ୍ରିଷାଙ୍କ ଗ୍ରହନକ୍ଷତ୍ରର ବଡ଼ ହାତ ରହିଛି । କିନ୍ତୁ ସେ ଏହା ମଧ୍ୟ ସତର୍କ କରାଇଛନ୍ତି ଯେ ତ୍ରିଷାଙ୍କ କାରଣରୁ ହିଁ ବିଜୟଙ୍କ ସରକାର ଭବିଷ୍ୟତରେ ସମସ୍ୟାର ସମ୍ମୁଖୀନ ହୋଇପାରେ।
