ନୂଆଦିଲ୍ଲୀ,୧୨ା୫: ଅବସରରୁ ଫେରିବାକୁ ନେଇ ରେସଲିଂ ଫେଡେରେଶନ ଅଫ୍ ଇଣ୍ଡିଆ (ଡବ୍ଲ୍ୟୁଏଫ୍ଆଇ) ସହ ଚାଲିଥିବା ବିବାଦରେ ଭିନେଶ ଫୋଗତଙ୍କ ସମର୍ଥନରେ ବାହାରିଛନ୍ତି ଅଲିମ୍ପିକ୍ ବ୍ରୋଞ୍ଜ ପଦକଧାରୀ ରେସଲର ସାକ୍ଷୀ ମଲିକ। ତାଙ୍କ ମତରେ ବିଶ୍ୱରେ ଅନେକ ଦେଶ ମାତୃତ୍ୱ ଲାଭ କରିଥିବା ଆଥଲେଟ୍ଙ୍କୁ ସାହାଯ୍ୟ କରିବା ପାଇଁ ନିୟମରେ କୋହଳ କରୁଥିବା ବେଳେ ଡବ୍ଲ୍ୟୁଏଫ୍ଆଇ ଭିନେଶଙ୍କ କ୍ଷେତ୍ରରେ ବାଧକ ସାଜୁଛି।
ଡବ୍ଲ୍ୟୁଏଫ୍ଆଇ ପକ୍ଷରୁ ଅଯୋଗ୍ୟ ଘୋଷଣା ହେବା ସତ୍ତ୍ୱେ ଭିନେଶ ଗୋଣ୍ଡାରେ ଚାଲିଥିବା ଜାତୀୟ ଓପନ ର଼୍ୟାଙ୍କିଙ୍ଗ୍ ଟୁର୍ନାମେଣ୍ଟ ବେଳେ ନଜର ଆସିଥିଲେ। ଫେଡେରେଶନର କାରଣ ଦର୍ଶାଅ ନୋଟିସର ଉତ୍ତର ରଖିବା ସହ ପ୍ରତିବାଦ୍ ମଧ୍ୟ କରିଥିଲେ।
ମୋତେ ଏ ସମ୍ପର୍କରେ ମତ ରଖିବାକୁ କୁହାଯାଉଥିଲା। କିନ୍ତୁ ଭିନେଶ ଏକ ରାଜନୈତିକ ଦଳର ଜଣେ ବିଧାୟିକା ହୋଇଥିବାରୁ ତାଙ୍କ ଉପରେ ମତ ଦେବା ପୂର୍ବରୁ ମୁଁ ଗତ ଦୁଇ ୩ ଦିନ ହେଲା ଚିନ୍ତା କରିଥିଲି। କାରଣ ମୋର କୌଣସି ରାଜନୈତିକ ଦଳ ସହ କିଛି ନେବା ଦେବା ନାହିଁ। ହେଲେ ମୁଁ ଅନେକ ଦେଶର ଉଦାହରଣ ଦେଇପାରିବି, ଯେଉଁଠାରେ ଖେଳାଳିଙ୍କ ଲାଗି ନିୟମରେ କୋହଳ କରାଯାଇଛି। ଯାହା ଫଳରେ ମା’ ହେବା ପରେ ଜଣେ ଆଥଲେଟ୍ ଖେଳିବା ଜାରି ରଖିବା ସହ ଦେଶ ପାଇଁ ପଦକ ଜିତିପାରିବେ ବୋଲି ସାକ୍ଷୀ ଏକ ଭିଡିଓରେ କହିଛନ୍ତି।
