ମୁମ୍ବାଇ,୬।୩: ମହାରାଷ୍ଟ୍ର ରାଜନୀତିରୁ ବଡ ସଙ୍କେତ ଆସୁଛି। ସୂତ୍ର ଅନୁଯାୟୀ, ଲୋକ ସଭା ନିର୍ବାଚନ ପୂର୍ବରୁ ଉଦ୍ଧବ ଠାକରେଙ୍କ ଦଳ ଶିବସେନା ଭାଜପା ସହ ଯୋଗାଯୋଗ କରୁଥିବା କୁହାଯାଉଛି। ସୂଚନାନୁସାରେ, ଭାଜପା ମେଣ୍ଟରେ ସାମିଲ ହେବା ପାଇଁ ଶିବସେନାର ଠାକରେ ଦଳ ପୁଣିଥରେ ସକ୍ରିୟ ହୋଇଛନ୍ତି। ତେବେ ଏହା କଂଗ୍ରେସ ନେତୃତ୍ୱାଧୀନ ଇଣ୍ଡିଆ ମେଣ୍ଟକୁ ଏକ ବଡ଼ ଝଟକା ଦେଇପାରେ। ୟୁପି ଏବଂ ବିହାରରେ ତାଙ୍କର ଅନେକ ସହଯୋଗୀ ଭାଜପାରେ ଯୋଗ ଦେଇଛନ୍ତି। ମହାରାଷ୍ଟ୍ର ମୁଖ୍ୟମନ୍ତ୍ରୀ ଏକନାଥ ଶିନ୍ଦେଙ୍କୁ ମଧ୍ୟ ଦ୍ୱିତୀୟ ଝଟକା ଲାଗିପାରେ।
କିଛି ମାସ ପୂର୍ବେ ଉଦ୍ଧବ ଠାକରେ କଂଗ୍ରେସ ଏବଂ ଏନସିପି ସହଯୋଗରେ ମହାରାଷ୍ଟ୍ରରେ ସରକାର ଚଳାଉଥିଲେ। ପରେ ଏନସିପି ଏବଂ ଶିବସେନା ମଧ୍ୟରେ ବିଭାଜନ ହୋଇଥିଲା। ଉଦ୍ଧବ ଠାକରେ ଏବଂ ଶରଦ ପାୱାର ନିଜ ନିଜ ଦଳରେ ଅଲଗା ହୋଇଗଲେ। ବର୍ତ୍ତମାନ, ଯଦି ଉଦ୍ଧବଙ୍କ ପକ୍ଷରୁ ଏଭଳି ପ୍ରୟାସ କରାଯାଉଛି, ତେବେ ରାଜ୍ୟର ମହାବିକାଶ ଅଗାଡିରେ ଭୂକମ୍ପ ଆସିପାରେ। ବିଶ୍ୱାସ କରାଯାଉଛି ଯେ ଉଦ୍ଧବ ଠାକରେ ୟୁ-ଟର୍ନ ନେଇ ବାଜି ପଲଟାଇବା ମନୋଭାବରେ ଅଛନ୍ତି। ଯଦି ଶିବସେନା ଠାକରେ ଗୋଷ୍ଠୀ ପୁଣିଥରେ ଭାଜପାରେ ଯୋଗ ଦିଅନ୍ତି। ତେବେ ରାଜ୍ୟରେ ରାଜନୈତିକ ସମୀକରଣ ବଦଳିଯିବ। ଏହା ସହିତ କଂଗ୍ରେସର ନେତୃତ୍ୱାଧୀନ ଇଣ୍ଡିଆ ମେଣ୍ଟର ଅବସ୍ଥା ଆହୁରି ଦୁର୍ବଳ ହୋଇଯିବ।
