ପଦ୍ମପୁର,୧୦ା୫(କାଳୀପଦ ରାୟ): ଭଦ୍ରକ ସଦର ବ୍ଲକର ପଗଡ଼ ନଦେଇଦିହ ଗ୍ରାମର ଶନିବାର ରାତିରେ ରିଭଲବର ଦେଖାଇ ଡକାୟତି ହୋଇଛି। ସୂଚନାନୁଯାୟୀ ଶନିବାର ରୀତିରଞ୍ଜନ ସ୍ବାଇଁ ଘରେ ନ ଥିବାବେଳେ ତାଙ୍କ ସ୍ତ୍ରୀ ପିଉସା ପିଉସୀ ଭାଉଜ ଘରେ ଥିଲେ, ରାତିରେ କେହି କବାଟ ବାଡେଇବାରୁ ରୀତି ରଞ୍ଜନଙ୍କ ସ୍ତ୍ରୀ କବାଟ ଖୋଲିଥିଲେ। କବାଟ ଖୋଲିବାରୁ ୬ ଜଣ ଦୁର୍ବୁତ୍ତ ହେଲମେଟ୍ ପିନ୍ଧି ହାତରେ ରିଭଲବର, ଖଣ୍ଡା, ସ୍କୃଡ୍ରାଇଭର ଧରି ପଶିଥିଲେ, ପରିବାରର ସମସ୍ତ ସଦସ୍ୟଙ୍କୁ ଗୋଟେ ଘରେ ବନ୍ଦ କରିଥିଲେ। ଏହାପରେ ସମସ୍ତଙ୍କୁ ବନ୍ଧୁକ ଦେଖାଇ ଭୟଭୀତ କରାଇ ଗଡ଼ରେଜ୍ ଚାବି ନେଇ ନଗଦ ୧. ୫ ଲକ୍ଷ ଟଙ୍କା ଓ ସୁନା ଗହନା, ୩ଟି ଆଇଫୋନ ଲୁଟି ନେଇ ପଳାଇଥିଲେ, ଖବର ପାଇ ସାବରଙ୍ଗ ପୋଲିସ ଘଟଣାସ୍ଥଳରେ ପହଞ୍ଚି ଛାନ୍ଭିନ୍ କରିଥିଲେ, ରବିବାର ସକାଳେ ସଦର ଏସ୍ଡିପିଓ ବିଚିତ୍ରା ନନ୍ଦ ସେଠୀ, ସାବରଙ୍ଗ ଥାନାଧିକାରୀ ଶାନ୍ତନୁ କୁମାର ଜେନା, ସାଇଣ୍ଟିଫିକ୍ ଟିମ୍ ସହ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛନ୍ତି।
