ସୋସିଆଲ ମିଡିଆ ଜଗତରୁ ସମ୍ପ୍ରତି ଏକ ଆଶ୍ଚର୍ଯ୍ୟଜନକ ଖବର ସାମ୍ନାକୁ ଆସିଛି। ରାତାରାତି ଅନେକ ପ୍ରମୁଖ ସେଲିବ୍ରିଟିଙ୍କ ଇନଷ୍ଟାଗ୍ରାମ ଆକାଉଣ୍ଟରେ ଫଲୋଅର୍ସ ସଂଖ୍ୟାରେ ଏକ ବଡ଼ ହ୍ରାସ ପରିଲକ୍ଷିତ ହୋଇଛି। ଏହା ସମସ୍ତଙ୍କୁ ଆଶ୍ଚର୍ଯ୍ୟ କରିଦେଇଛି। କ୍ରିଷ୍ଟିଆନୋ ରୋନାଲ୍ଡୋଙ୍କଠାରୁ ବିରାଟ କୋହଲି, ଆଲିଆ ଭଟ୍ଟ ଏବଂ ପ୍ରିୟଙ୍କା ଚୋପ୍ରା ପର୍ଯ୍ୟନ୍ତ,ଲକ୍ଷ ଲକ୍ଷ ଫଲୋଅର୍ସ ସେମାନଙ୍କ ନିଜ ନିଜ ଆକାଉଣ୍ଟରୁ ଗାଏବ ହୋଇଯାଇଛନ୍ତି।
ଇନଷ୍ଟାଗ୍ରାମର ମୂଳ କମ୍ପାନୀ ମେଟା ଆପରୁ ବହୁ ସଂଖ୍ୟକ ଫେକ୍, ଇନ୍ଆକ୍ଟିଭ୍ ଏବଂ ବଟ୍ସ ଆକାଉଣ୍ଟକୁ ହଟାଇଛି। ଫଳସ୍ବରୂପ ସେଲିବ୍ରିଟିଙ୍କ ଆକାଉଣ୍ଟଗୁଡ଼ିକ ସାମୂହିକ ଭାବରେ ଲକ୍ଷ ଲକ୍ଷ ଫଲୋଅର୍ସ ହରାଇଛନ୍ତି।
ଫଲୋଅର୍ସଙ୍କ ସଂଖ୍ୟାରେ ଏହି ହଠାତ୍ ହ୍ରାସ ପରେ ଅନେକ ପ୍ରଥମେ ସନ୍ଦେହ କରିଥିଲେ ଯେ, ଏହା ଏକ ଯାନ୍ତ୍ରିକ ତ୍ରୁଟି ହୋଇପାରେ। ଏବେ ଏହା ନିଶ୍ଚିତ ହୋଇଛି ଯେ, ମେଟାର ଚାଲୁଥିବା ‘ପ୍ରାମାଣିକତା ଅଭିଯାନ’ ର ଅଂଶ ଭାବରେ ଅନେକ ଆକାଉଣ୍ଟକୁ ହଟାଯାଇଥିଲା।
ଫଲୋଅର୍ସ ହରାଇଥିବା ସେଲିବ୍ରିଟି
କ୍ରିଷ୍ଟିଆନୋ ରୋନାଲ୍ଡୋ-୬.୬ ମିଲିୟନ ଫଲୋଅର୍ସ
ମେସି -୪.୮ ମିଲିୟନ
ଜଷ୍ଟିନ ବିବର -୪.୩ ମିଲିୟନ
ବିରାଟ କୋହଲି -୨ ମିଲିୟନ
ପ୍ରିୟଙ୍କା ଚୋପ୍ରା -୧.୧ ମିଲିୟନ
ଶ୍ରଦ୍ଧା କପୁର -୧ ମିଲିୟନ
ଆଲିଆ ଭଟ୍ଟ -୧ ମିଲିୟନ
Dharitri – Odisha’s No.1 Odia Daily
