ମୁମ୍ବାଇ,୫।୫: ଆମେରିକୀୟ ଡଲାର ତୁଳନାରେ ଭାରତୀୟ ଟଙ୍କା ମୂଲ୍ୟ ସୋମବାର ୩୯ ପଇସା ହ୍ରାସ ପାଇ ସର୍ବକାଳୀନ ନିମ୍ନ ସ୍ତରରେ ପହଞ୍ଚତ୍ଛି। ୧ ଡଲାର ମୂଲ୍ୟ ସୋମବାର ୯୫ ଟଙ୍କା ୨୩ ପଇସା ହୋଇଛି। ମଧ୍ୟପ୍ରାଚ୍ୟରେ ଉତ୍ତେଜନା ଲାଗିରହିଥିବାରୁ ବିଶ୍ୱ ଷ୍ଟକ୍ ମାର୍କେଟରେ ଅସ୍ଥିରତା, ତୈଳ ଦରରେ ଅତ୍ୟଧିକ ବୃଦ୍ଧି ଏବଂ ମୁଦ୍ରାସ୍ଫୀତି ବଢ଼ିବା ଓ ଆର୍ଥତ୍କ ମାନ୍ଦାବସ୍ଥା ଦେବା ଆଶଙ୍କା ରହିଥିବାରୁ ଭାରତୀୟ ମୁଦ୍ରା ମୂଲ୍ୟ ହ୍ରାସ ପାଇ ଚାଲିଛି।
ମଧ୍ୟପ୍ରାଚ୍ୟ ଯୁଦ୍ଧ ଓ ଷ୍ଟ୍ରେଟ୍ ଅଫ୍ ହର୍ମୁଜ୍ ବନ୍ଦ ଯୋଗୁ ତୈଳ ଯୋଗାଣ ବାଧାପ୍ରାପ୍ତ ହୋଇଥିବାବେଳେ ବ୍ରେଣ୍ଟ ତୈଳ ବ୍ୟାରେଲ୍ ପ୍ରତି ଦର ପାଖାପାଖି ୧୧୦ ଡଲାର ରହିଛି। ଫଳରେ ଭାରତ ଭଳି ତୈଳ ଆମଦାନୀ କରୁଥିବା ଦେଶଗୁଡ଼ିକର ଅର୍ଥନୀତି ପ୍ରଭାବିତ ହୋଇଛି।
ଭୂରାଜନତୈିକ ଅସ୍ଥିରତା ବଢ଼ିବା ସହ ଅବାରିତ ବିଦେଶୀ ପୁଞ୍ଜି ପ୍ରତ୍ୟାହାର ନିବେଶକମାନଙ୍କ ମନୋବଳକୁ ଦୁର୍ବଳ କରିଦେଇଥିବା ଫରେକ୍ସ ଟ୍ରେଡରମାନେ ମତ ଦେଇଛନ୍ତି। ଇଣ୍ଟରବ୍ୟାଙ୍କ ଫରେନ୍ ଏକ୍ସଚେଞ୍ଜ ମାର୍କେଟରେ ସୋମବାର ଡଲାର ତୁଳନାରେ ଟଙ୍କା ମୂଲ୍ୟ ୯୪.୯୫ରୁ ଆରମ୍ଭ ହୋଇ କାରବାର ଶେଷ ବେଳକୁ ୯୫.୨୩ରେ ପହଞ୍ଚତ୍ଥିଲା। ପୂର୍ବ କାରବାର ଦିବସ ତୁଳନାରେ ଟଙ୍କା ମୂଲ୍ୟ ୩୯ ପଇସା ହ୍ରାସ ପାଇଛି। ଗତ ଗୁରୁବାର ଡଲାର ତୁଳନାରେ ଟଙ୍କା ମୂଲ୍ୟ ୯୪.୮୪ ରହିଥିଲା। ମହାରାଷ୍ଟ୍ର ଦିବସ ପାଇଁ ଶୁକ୍ରବାର ଷ୍ଟକ୍ ମାର୍କେଟ ଓ ମୁଦ୍ରା ବଜାର ବନ୍ଦ ରହିଥିବାବେଳେ ଶନିବାର ଓ ରବିବାର ବନ୍ଦ ଥିଲା ।
