ଭଞ୍ଜନଗର,୧୧ା୨(ଡି.ଏନ.ଏ): ଭଞ୍ଜନଗର ତହସିଲ ଅନ୍ତର୍ଗତ ସାନକୋଦଣ୍ଡା ପଞ୍ଚାୟତ ମହାଗୁଡ଼ାରେ ଶୁକ୍ରବାର ଅପରାହ୍ନରେ ଅଗ୍ନିକାଣ୍ଡ ଘଟି ୬ ପରିବାରର ୬ବଖରା ଏବଂ ୪ ଗୁହାଳ ଜଳିଯାଇଛି । ଏଥିସହ ଲକ୍ଷାଧିକ ଟଙ୍କାର ସମ୍ପତ୍ତିି ପୋଡ଼ି ପାଉଁଶ ହୋଇଯାଇଛି। ଭଞ୍ଜନଗର ଅଗ୍ନିଶମ ଏବଂ ଜରୁରୀକାଳୀନ ସେବା ଅଧିକାରୀ ସମୀର କୁମାର ବିଶ୍ୱାଳଙ୍କ ନେତୃତ୍ୱରେ କର୍ମଚାରୀମାନେ ପହଞ୍ଚି ନିଆଁକୁ ଆୟତ କରିଥିଲେ। ନିଅଁା କିଭଳି ଲାଗିଲା ତାହରେ କାରଣ ଜଣାପଡ଼ିନାହିଁ । ଅଗ୍ନିକାଣ୍ଡରେ ଅନ୍ତର୍ଯ୍ୟାମୀ ଗୌଡ଼, ଭାସ୍କର ଗୌଡ଼, ଅଭିରାମ ଗୌଡ଼, ମକରା ଗୌଡ଼, ଧୋବା ଗୌଡ଼ ଏବଂ ଅଶୋକ ଗୌଡ଼ଙ୍କ ପରିବାର ବିପନ୍ନ ହୋଇଛନ୍ତି। ଏହି ପରିବାର ଗୁଡ଼ିକ ଗରିବ ଶ୍ରେଣୀର ହୋଇଥିବା ଯୋଗୁ ସେମାନଙ୍କୁ ତୁରନ୍ତ ସରକାରୀ ସହାୟତା ଯୋଗାଇ ଦେବାପାଇଁ ଦାବି ହୋଇଛି ।
