ନୂଆଦିଲ୍ଲୀ,୩ ।୯: ଟିକସ ଫାଙ୍କିବା, ଇନପୁଟ ଟ୍ୟାକ୍ସ କ୍ରେଡିଟ(ଆଇଟିସି) କିମ୍ବା ରିଫଣ୍ଡ ରାଶି ୫ କୋଟିରୁ ଅଧିକ ହୋଇଥିବା ସେ କ୍ଷେତ୍ରରେ ଜିଏସଟି ଅଧିକାରୀମାନେ ଆଇନଗତ କାର୍ଯ୍ୟାନୁଷ୍ଠାନ ନେଇ ପାରିବେ । ଅର୍ଥ ମନ୍ତ୍ରଣାଳୟ ଅଧିନରେ ଥିବା ଜିଏସଟି ଅନୁସନ୍ଧାନ ୟୁନିଟ ଶୁକ୍ରବାର ଏକ ନୂଆ ଗାଇଡଲାଇନରେ କହିଛି ପର୍ଯ୍ୟାପ୍ତ ପ୍ରମାଣ ପାଇବା ପରେ ଟିକସ କର୍ତ୍ତୁପକ୍ଷ ଜିଏସଟି ମାମଲାରେ ଅଭିଯୁକ୍ତ(କମ୍ପାନୀ ବା ବ୍ୟବସାୟୀ)ଙ୍କ ବିରୋଧରେ ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ନିଷ୍ପତ୍ତି ନେଇ ପାରିବେ ।
ଏଥିରେ କୁହାଯାଇଛି ଟିକସ ଫାଙ୍କିବା, ଆଇଟିସିର ଅପବ୍ୟବହାର କିମ୍ବା ଜାଲିଆତି ଫେରସ୍ତ ପରିମାଣ ୫କୋଟିରୁ ଅଧିକ ହୋଇଥିବା କ୍ଷେତ୍ରରେ ସାଧାରଣ ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇପାରିବ । ଆଇନଗତ କାର୍ଯ୍ୟ ଆରମ୍ଭ କରିବାକୁ ଅଧିକାରୀ ଅପରାଧର ପ୍ରକୃତି, ଗମ୍ଭିରତା, କର ଚୋରି ଅବା ଆଇଟିସିର ଅପବ୍ୟବହାର ରାଶି, ଭୁଲ ଉପାୟରେ ରିଫଣ୍ଡ ଏକତ୍ର କରିବାର ପ୍ରମାଣ ଜମା କରିବାକୁ ପଡିବ । ଏହାପରେ ଯାଇ ଅଭିଯୁକ୍ତଙ୍କ ବିରୋଧରେ ମାମଲା ରେକର୍ଡ କରିବାକୁ ନେଇ ଶେଷ ନିଷ୍ପତ୍ତି ନିଆଯାଇ ପାରିବ ।
