ପଶ୍ଚିମବଙ୍ଗର ସୁନ୍ଦରବନରେ ସଂକ୍ରମିତଙ୍କ ଚିକିତ୍ସା ଲାଗି ଆବଶ୍ୟକ ଅକ୍ସିଜେନ ଯୋଗାଇବାରେ ଲାଗିଛନ୍ତି ସୌମିତ୍ର ମଣ୍ଡଳ। ବଡ଼କଥା ହେଉଛି, ସୁନ୍ଦରବନରେ ଥିବା ୯ଟି ଦ୍ୱୀପାଞ୍ଚଳରେ ରାସ୍ତା ଭଲ ନ ଥିତ୍ବାରୁ ସେଠାକାର ପୀଡ଼ିତଙ୍କ ନିକଟରେ ସେ ସାଇକେଲରେ ନେଇ ଅକ୍ସିଜେନ ପହଞ୍ଚାଉଛନ୍ତି। ସେଥିପାଇଁ ତାଙ୍କୁ ସୁନ୍ଦରବନର ଅକ୍ସିଜେନ ମଣିଷ କୁହାଯାଉଛି। ମଣ୍ଡଳଙ୍କ ବୟସ ୨୯ ଓ ସେ ଏକୁଟିଆ ସାଇକେଲରେ ଦୁର୍ଗମ ଅଞ୍ଚଳର ଗାଁ ଗାଁ ବୁଲି ଲୋକଙ୍କୁ ଓ୍ୟଷଧ ଓ ଅକ୍ସିଜେନ ଠିକ୍ ସମୟରେ ଦେଉଛନ୍ତି। ସେ ସାମାଜିକ କର୍ମୀ ଓ ଏନ୍ଜିଓଗୁଡ଼ିକଠାରୁ ଅକ୍ସିଜେନ ସିଲିଣ୍ଡର ସଂଗ୍ରହ କରୁଛନ୍ତି। ସ୍ଥାନୀୟ ପ୍ରଶାସନ ମଧ୍ୟ ତାଙ୍କୁ ଏ ଦିଗରେ ସହଯୋଗ କରୁଛି। ଶିକ୍ଷା ଶେଷ କରି ପ୍ରଥମେ ସେ ନିଜ ଗାଁ ଗୋସାବାର ସରକାରୀ ସ୍କୁଲରେ ଅସ୍ଥାୟୀ ଶିକ୍ଷକ ଭାବେ ଯୋଗ ଦେଇଥିଲେ। ସେଥିତ୍ରେ ସ୍ଥାୟୀ ଶିକ୍ଷକ ନିଯୁକ୍ତ ହେବା ପରେ ୨୦୧୯ରେ ସେ ଚାକିରି ହରାଇଥିଲେ। ପରେ ସେ ପିଲାମାନଙ୍କୁ ମାଗଣାରେ ଟ୍ୟୁଶନ କରିବା ସହ ଏହି କାର୍ଯ୍ୟ ଆରମ୍ଭ କରିଥିଲେ, ଯାହାକୁ ଏଯାବତ୍ ସେ ଚାଲୁ ରଖିଛନ୍ତି।
