କୋଲକାତା,୨୫ା୫: ଲୋକେଶ ରାହୁଲଙ୍କ ଅର୍ଦ୍ଧଶତକ ପରେ ବୋଲରଙ୍କ ମାପଚୁପ ବୋଲିଂ ବଳରେ ଦିଲ୍ଲୀ କ୍ୟାପିଟାଲ୍ସ ୪୦ ରନରେ କୋଲକାତା ନାଇଟ୍ ରାଇଡର୍ସକୁ ପରାସ୍ତ କରିଛି। ପୂର୍ବରୁ ପ୍ଲେଅଫ୍ ରେସରୁ ବିଦାୟ ନେଇଥିବା ଦିଲ୍ଲୀ ୧୪ ପଏଣ୍ଟ ସହ ଷଷ୍ଠ ସ୍ଥାନରେ ରହି ଅଭିଯାନ ଶେଷ କରିଛି।
ପ୍ରଥମେ ବ୍ୟାଟିଂ କରିଥିବା ଦିଲ୍ଲୀ ନିର୍ଦ୍ଧାରିତ ୨୦ ଓଭରରେ ୫ ଉଇକେଟ ହରାଇ ୨୦୩ ରନ କରିଥିଲା। ଦଳ ପାଇଁ ଲୋକେଶ ରାହୁଲ ୩୦ ବଲରେ ୬୦ (୫ ଚୌକା ଓ ୪ ଛକା) ଓ ଅଧିନାୟକ ଅକ୍ଷର ପଟେଲ ୨୫ ବଲରେ ୩୯ (୩ ଚୌକା ଓ ୨ଛକା) ରନ କରିଥିଲେ। କୋଲକାତା ପକ୍ଷରୁ ସୌରଭ ଦୁବେ ୨ ଉଇକେଟ ନେଇଥିଲେ। ଜବାବରେ କେକେଆର କ୍ରମାଗତ ବ୍ୟବଧାନରେ ଉଇକେଟ ହରାଇ ୧୮.୪ ଓଭରରେ ୧୬୩ ରନ କରି ଅଲଆଉଟ୍ ହୋଇଯାଇଥିଲା। ଦଳ ପକ୍ଷରୁ ଅଧିନାୟକ ଅଜିଙ୍କ୍ୟ ରାହାନେ ୬୩ (୪ ଲେଖାଏ ଚୌକା ଓ ଛକା) ରନ କରିଥିଲେ।
