ଗଞ୍ଜାମ,୮।୧(ଡି.ଏନ୍.ଏ.): ସହଯୋଗ ମାଗି ଜଣେ ପ୍ରଧ୍ୟାପକଙ୍କ ଠାରୁ ଲୁଟିନେଲେ ମୋବାଇଲ । ଏଭଳି ଘଟଣା ଘଟିଛ ଗଞ୍ଜାମ ସହରରେ ।
ମିଳିଥିବା ସୂଚନା ପ୍ରକାରେ, ଗଞ୍ଜାମ କଲେଜ ଓଡ଼ିଆ ବିଭାଗ ପ୍ରାଧ୍ୟାପକ ଭାଗିରଥି ପଲାଇ ଶନିବାର ଚାଲିଚାଲି ବଜାରରୁ କଲେଜ ଫେରୁଥିବା ବେଳେ ଗୋଟିଏ ବାଇକରେ ତିନିଜଣ ଯୁବକ ଆସି କିଛି ଦୂରରେ ବାଇକ ରଖିଥିଲେ। ସେଥିରୁ ଜଣେ ବ୍ୟକ୍ତି ରାସ୍ତା କଡ଼କୁ ପରିସ୍ରା କରିବାକୁ ଯାଇଥିବା ବେଳେ ବାଇକ ଚାଳକ ଗାଡି ପଡିଯିବା ବାହାନାରେ ପ୍ରାଧ୍ୟାପକଙ୍କୁ ସହଯୋଗ ମାଗିଥିଲେ । ଫଳରେ ପ୍ରାଧ୍ୟାପକ ଗାଡ଼ି ପାଖକୁ ଗଲାବେଳେ ଆଗ ପକେଟରେ ଥିବା ଦାମୀ ମୋବାଇଲକୁ ଅତି ଚତୁରତାର ସହ ଦୁର୍ବୃତ୍ତ ମାନେ ଲୁଟି ନେଇ ଥ୍ୟାଙ୍କ ୟୁ କହି ଦ୍ରୁତ ଗତିରେ ଗଞ୍ଜାମ ସହର ଦେଇ ଚମ୍ପଟ ମାରିଥିଲେ। ପକେଟରେ ମୋବାଇଲ ନ ଥିବା ଦେଖି ଗଞ୍ଜାମ ଥାନାରେ ଏତଲା ଦେଇଛନ୍ତି ପ୍ରାଧ୍ୟାପକ।
