ପୁଅ କିମ୍ବା ଝିଅ ହେବା ପ୍ରକୃତିର ଏକ ଉପହାର ଅଟେ। ଏମିତିକି ଜନ୍ମ ପୂର୍ବରୁ ଅର୍ଥାତ୍ ମାତୃଗର୍ଭରୁ ଲିଙ୍ଗ ନିର୍ଣ୍ଣୟ ହୋଇଥାଏ। କିନ୍ତୁ ମଣିଷ ଏତେ ଅଗ୍ରଗତି କରିଛି ଯେ, ଅସ୍ତ୍ରୋପଚାର ମାଧ୍ୟମରେ ଲିଙ୍ଗ ପରିବର୍ତ୍ତନ କରିଥାନ୍ତି। ଯଦିଓ ଏହା କେବଳ ଅସ୍ତ୍ରୋପଚାର ମାଧ୍ୟମରେ ସମ୍ଭବ, କିନ୍ତୁ ଆପଣ ଜାଣନ୍ତି କି ପୃଥିବୀରେ ଏପରି ଏକ ଗାଁ ଅଛି ଯେଉଁଠାରେ ଝିଅମାନେ ବଡ଼ ହେବା ପରେ ମନକୁ ମନ ପୁଅ ହୋଇଯାଆନ୍ତି। ଯାହା ମଧ୍ୟ କୌଣସି ଅସ୍ତ୍ରୋପଚାର କରିବାକୁ ପଡ଼ି ନ ଥାଏ। ଆଶ୍ଚର୍ଯ୍ୟ ଲାଗୁଥିଲେ ମଧ୍ୟ ସତ।
ବଡ଼ ହେବା ପରେ ଏହି ଗାଁର ଝିଅମାନଙ୍କର ଲିଙ୍ଗ ସ୍ବୟଂଚାଳିତ ଭାବରେ ବଦଳିଯାଏ। ଏହା ପରେ ଏଠାକାର ଝିଅମାନେ ପୁଅ ପାଲଟିଯାଆନ୍ତି। ତେବେ ଜାଣନ୍ତୁ ଏପରି ଅଜବ ଗାଁ ସମ୍ପର୍କରେ…
ଏହି ଗାଁର ନାମ ହେଉଛି ଲା ସେଲିନାସ। ଯାହା ଡୋମିନିକାନ ରିପବ୍ଲିକ ଦେଶରେ ଅଛି। ଏହି ଗାଁର ଅନେକ ଝିଅ ୧୨ ବର୍ଷ ପରେ ପୁଅ ହୋଇଯାଇଛନ୍ତି। ଝିଅମାନଙ୍କ ସହିତ କାହିଁକି ଏପରି ଘଟେ, ତାହା ଆଜି ପର୍ଯ୍ୟନ୍ତ କୌଣସି ବୈଜ୍ଞାନିକ ଜାଣିବାରେ ସକ୍ଷମ ହୋଇନାହାନ୍ତି। ଝିଅମାନଙ୍କ ସହିତ ଘଟୁଥିବା ଏହି ପରିବର୍ତ୍ତନ ଯୋଗୁ ଲୋକମାନେ ଏହି ଗାଁକୁ ଏକ ଅଭିଶପ୍ତ ଗ୍ରାମ ବୋଲି କୁହନ୍ତି।
ଏହି ଗାଁର ଅନେକ ଲୋକ ବିଶ୍ୱାସ କରନ୍ତି, ଏହି ଗାଁରେ କିଛି ଅଦୃଶ୍ୟ ଶକ୍ତି ଅଛି। ଏହି ଗାଁରେ ଏହିପରି ପିଲାମାନଙ୍କୁ ‘ଗ୍ବେଦେଚ୍’କୁହାଯାଏ।
କେବଳ ଏତିକି ନୁହେଁ, ଯେତେବେଳେ ଗାଁର କାହା ଘରେ ଗୋଟିଏ ଝିଅ ଜନ୍ମ ହୁଏ, ସେତେବେଳେ ସେହି ପରିବାର ଲୋକ ଭୟଭୀତ ହୋଇପଡ଼ନ୍ତି। କାରଣ ବଡ଼ ହେବା ପରେ ତାଙ୍କ ଝିଅ ପୁଅ ହୋଇଯିବ। ଏହି ରୋଗ ହେତୁ ଗାଁରେ ଝିଅମାନଙ୍କ ସଂଖ୍ୟା ମଧ୍ୟ ଯଥେଷ୍ଟ ହ୍ରାସ ପାଉଛି।
ଏହି ଗାଁ ସମୁଦ୍ର କୂଳରେ ଅବସ୍ଥିତ। ଏହାର ଜନସଂଖ୍ୟା ପ୍ରାୟ ୬ ହଜାର। ଅଜବ ରହସ୍ୟ ହେତୁ ଏହି ଗ୍ରାମ ସମଗ୍ର ବିଶ୍ୱରେ ଅନୁସନ୍ଧାନକାରୀଙ୍କ ପାଇଁ ଅନୁସନ୍ଧାନର ବିଷୟ ହୋଇ ରହିଆସିଛି। ଅନ୍ୟପକ୍ଷରେ ଡାକ୍ତରମାନେ କହିଛନ୍ତି, ଏହି ରୋଗ ହେଉଛି ଜେନେଟିକ ଡିଜିଜ୍ ବା ବଂଶଗତ ରୋଗ। ଏହି ଗାଁରେ ୯୦ରୁ ଜଣେ ପିଲା ଏହି ରୋଗରେ ପୀଡ଼ିତ। ଏହି ରୋଗରେ ଆକ୍ରାନ୍ତ ସମସ୍ତ ଝିଅ ୧୨ ବର୍ଷ ପରେ ସେମାନଙ୍କର ଶରୀର ପୁରୁଷଙ୍କ ପରି ଅଙ୍ଗ ଗଠନ କରିବା ଆରମ୍ଭ କରେ। ସେହି ସମୟରେ, ତାଙ୍କ ସ୍ବର କର୍କଶ ହୋଇଥାଏ।
