ହାଟଡିହୀ,୨୫l୫(ଶୁଭକାନ୍ତ ନାୟକ):କେନ୍ଦୁଝର ଜିଲା ହାଟଡିହୀ ବ୍ଲକ ମରୈଗାଁ ଗ୍ରାମ ପଞ୍ଚାୟତ ସୋସିଆଲ ଅଡିଟ(ସାମାଜିକ ସମୀକ୍ଷା) କାର୍ଯ୍ୟରେ ନିୟୋଜିତ ଦୁଇ ମହିଳା ଭିଆରପି(ଭିଲେଜ ରିସୋର୍ସ ପର୍ସନ) ଏବଂ ସରପଞ୍ଚଙ୍କ ସ୍ବାମୀ ଖପରାଖାଇ ଗ୍ରାମରେ ଏକ ରାସ୍ତା କାର୍ଯ୍ୟର ସମୀକ୍ଷା କରୁଥିଲେ । ସମୀକ୍ଷା ସମୟରେ ଜଣେ ବ୍ୟକ୍ତିଙ୍କ ସହ ଯୁକ୍ତିତର୍କ ହୋଇଥିଲା । ୨ ମହିଳା ଭିଆରପି ବିଜୟଲକ୍ଷ୍ମୀ ରାଉତ ଓ ପ୍ରମିଳା ବରାଳଙ୍କୁ ବ୍ୟକ୍ତି ଜଣକ ଠେଲି ଦେବାରୁ ସେମାନେ ତଳେ ପଡିଯାଇ ଆହତ ହୋଇଥିଲେ । ଉଭୟଙ୍କୁ ଆନନ୍ଦପୁର ଉପଖଣ୍ଡ ମେଡିକାଲରେ ଚିକିତ୍ସା ପାଇଁ ଭର୍ତ୍ତି କରାଯାଇଛି । ଏ ନେଇ ଖବର ମିଳିବା ପରେ ସୋସୋ ପୋଲିସକୁ ଜଣାଯାଇଥିବା ବିଡ଼ିଓ ରଞ୍ଜନ କୁମାର ପରିଡା କହିଛନ୍ତି । ସୋସୋ ଥାନାଧିକାରିଣୀ କାନନ ସାହୁ କହିଛନ୍ତି ଯେ କୌଣସି ଲିଖିତ ଅଭିଯୋଗ ହୋଇନି l ବିଡ଼ିଓଙ୍କ ଫୋନ କଲ ପାଇ ଘଟଣାସ୍ଥଳରେ ଅନୁଧ୍ୟାନ କରିଥିଲୁ ।କୌଣସି ଠେଲାପେଲା ହୋଇନଥିବା ପ୍ରାଥମିକ ଅନୁଧ୍ୟାନରୁ ଜଣାପଡିଛି ।
