ମୋହନା,୨୫।୫( ମନ୍ମଥ ମିଶ୍ର ): ବିଦ୍ୟୁତ୍ ଆଘାତରେ ଯୁବକ ମୃତ । ମୃତକ ହେଲେ ପୂର୍ଣ୍ଣ ମଲ୍ଲିକ ( ୨୫ )। ଏଭଳି ହୃଦୟ ବିଦାରକ ଦୃଶ୍ୟ ଦେଖିବାକୁ ମିଳିଛି ଗଜପତି ଜିଲା ମୋହନା ଥାନା ଅନ୍ତର୍ଗତ ପିଣ୍ଡିକି ପଞ୍ଚାୟତ କୁମ୍ଭାର ସାହିରେ। ସୋମବାର ପୂର୍ଣ୍ଣ ଘରର ବିଦ୍ୟୁତ କାମ କରୁଥିବା ବେଳେ କୌଣସି କାରଣବଶତଃ ବିଦ୍ୟୁତ୍ ସଂସ୍ପର୍ଷରେ ଆସି ଗୁରୁତର ହୋଇଥିଲେ। ପରିବାର ଲୋକେ ଅଟୋ ଦ୍ୱାରା ତାଙ୍କୁ ଚନ୍ଦ୍ରଗିରି ଗୋଷ୍ଠୀ ସାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିଲେ । ଡା. ଜଗନ୍ନାଥ ମହାରଣା ତାଙ୍କୁ ମୃତ ଘୋଷଣା କରିଛନ୍ତି । ପୋଲିସ ପହଞ୍ଚି ଶବ ବ୍ୟବଚ୍ଛେଦ ପାଇଁ ପଠାଇବା ସହ ଅଧିକ ତଦନ୍ତ ଚଳାଇଛି । ପୂର୍ଣ୍ଣଙ୍କ ବାପା ଆଗରୁ ସ୍ବର୍ଗବାସ ହୋଇଥିଲେ। ବର୍ତ୍ତମାନ ପୂର୍ଣ୍ଣ ହିଁ ଘରର ଏକ ରୋଜଗାରିଆ ପୁଅ ଥିଲେ । ପୁଅକୁ ହରାଇ ମା’ ଏବେ ଅସହାୟ ହୋଇଯାଇଛନ୍ତି ।
