ଓଭାଲ୍,୭।୯: ଭାରତ ଏବଂ ଇଂଲଣ୍ଡ ମଧ୍ୟରେ ୫ ମ୍ୟାଚ୍ ବିଶିଷ୍ଟ ଟେଷ୍ଟ ସିରିଜର ଚତୁର୍ଥ ମ୍ୟାଚରେ ଭାରତ ଇଂଲଣ୍ଡକୁ ୧୫୭ ରନରେ ପରାସ୍ତ କରିଛି। ମ୍ୟାଚ ଜିତିବା ପାଇଁ ଇଂଲଣ୍ଡକୁ ୩୬୮ ରନର ଟାର୍ଗେଟ ଥିବାବେଳେ ଦଳ ମାତ୍ର ୨୧୦ ରନ୍ରେ ଅଲଆଉଟ୍ ହୋଇଯାଇଥିଲା। ଏହି ମ୍ୟାଚ୍ରେ ଟେଷ୍ଟ କ୍ରିକେଟ ଇତିହାସରେ ମଧ୍ୟ ଏକ ନିଆରା ରେକର୍ଡ ସୃଷ୍ଟି ହୋଇଥିଲା। ୨୪୩୩ ଟେଷ୍ଟରେ ପ୍ରଥମ ଥର ପାଇଁ, ୪ ଜଣ ବ୍ୟାଟ୍ସମ୍ୟାନ ଗୋଟିଏ ମ୍ୟାଚ ରେ ୫୦ ରନ ସ୍କୋର କରି ଆଉଟ୍ ହୋଇଥିଲେ। ଓଭାଲ ଟେଷ୍ଟର ଦ୍ୱିତୀୟ ଇନିଂସରେ ରୋରି ବର୍ନସଙ୍କ ବ୍ୟତୀତ ଭାରତୀୟ ଉଇକେଟ୍ କିପର ରିଷଭ ପନ୍ତ ମଧ୍ୟ ୫୦ ରନରେ ଆଉଟ୍ ହୋଇଥିଲେ। ଏଥି ସହିତ, ଯଦି ଆମେ ଓଭାଲ ଟେଷ୍ଟର ପ୍ରଥମ ଇନିଂସ ବିଷୟରେ କହିବା, ତେବେ ଭାରତୀୟ ଅଧିନାୟକ ବିରାଟ କୋହଲି ମଧ୍ୟ ତାଙ୍କର ଅର୍ଦ୍ଧଶତକ ପୂରଣ କରିବା ପରେ ଆଉଟ ହୋଇଥିଲେ। ତାଙ୍କ ବ୍ୟତୀତ ଇଂଲଣ୍ଡର ଅଲରାଉଣ୍ଡର କ୍ରିସ ୱକ୍ସ ମଧ୍ୟ ସମାନ ସ୍କୋରରେ ଆଉଟ ହୋଇଥିଲେ।
