ଥିରୁଭାନନ୍ତପୁରମ,୩।୬: କେରଳର ଜଣେ ୨୩ ବର୍ଷୀୟ ବ୍ୟକ୍ତି ନିପା ଭାଇରସ୍ରେ ଆକ୍ରାନ୍ତ ହୋଇଥିବା ସନ୍ଦେହ କରାଯାଉଛି। ପ୍ରାଥମିକ ଅବସ୍ଥାରେ ତାଙ୍କ ଦେହରେ ନିପା ଭାଇରସ୍ର ଲକ୍ଷଣ ଦେଖାଯାଇଥିବା କୁହାଯାଉଛି। ସୋମବାର କେରଳର ସ୍ବାସ୍ଥ୍ୟମନ୍ତ୍ରୀ କେକେ ଶୈଳଜା ଏହି ସୂଚନା ଦେଇଛନ୍ତି। ଏହାକୁ ନେଇ ସେ ୩ ସହରରେ ଫିବର କ୍ଲିନିକ୍ ଏହି ଭାଇରସ୍ ଉପରେ ନଜର ରଖିବା ଓ୍ବାର୍ଡ ଖୋଲିବାକୁ ନିର୍ଦ୍ଦେଶ ଦେଇଛନ୍ତି। ଗତବର୍ଷ ଯେଉଁ ଡାକ୍ତରମାନେ ଏହି ରୋଗର ଚିକିତ୍ସା କରୁଥିଲେ ସେମାନଙ୍କୁ କୋଚି ଆସିବା ପାଇଁ କୁହାଯାଇଛି। ଗତ ୨ ସପ୍ତାହ ମଧ୍ୟରେ ରୋଗୀ ସଂସ୍ପର୍ଶରେ ଆସିଥିବା ଲୋକଙ୍କୁ ମଧ୍ୟ ନଜରରେ ରଖାଯାଇଛି। ଆକ୍ରାନ୍ତ ବ୍ୟକ୍ତି ଜଣଙ୍କ ୧୦ ଦିନ ହେବ ଜ୍ୱରରେ ପୀଡିତ ଥିବା ବେଳେ ତାଙ୍କର ରକ୍ତ ନମୁନା ପରୀକ୍ଷା ପାଇଁ ପଠାଯାଇଛି। ଏହାକୁ ନେଇ ଭୟଭୀତ ନ ହେବାକୁ ସରକାର କହିଛନ୍ତି। ସୂଚନାଯୋଗ୍ୟ, ଗତବର୍ଷ ଏହି ଭାଇରସ୍ରେ ଆକ୍ରାନ୍ତ ହୋଇ କେରଳରେ ୧୭ ଜଣଙ୍କ ମୃତ୍ୟୁ ହୋଇଥିଲା।
