ମୁମ୍ବାଇ: ବଲିଉଡ୍ ମୁଭି ବାଲା ପ୍ରଥମ ଦିନରେ ହିଁ କମାଲ୍ କରିଛି। ଆୟୁଷ୍ମାନ ଖୁରାନା, ଭୂମି ପେଡନେକର ଓ ୟାମି ଗୌତମଙ୍କ ଅଭିନୀତ ଏହି ଫିଲ୍ମ ପ୍ରଥମ ଦିନରେ ହିଁ ଦର୍ଶକଙ୍କ ଦିଲ୍ ଜିତିଛି। ଅମର କୌଶିକଙ୍କ ନିର୍ଦ୍ଦେଶିତ ଏହି ଫିଲ୍ମ ପ୍ରଥମ ଦିନରେ ପାଖାପାଖି ୧୦.୧୫ କୋଟି ବିଜନେସ୍ କରି ବକ୍ସ ଅଫିସରେ ହଇଚଇ କରିଛି ବୋଲି ଟ୍ରେଡ୍ ଆନାଲିଷ୍ଟ ତରଣ ଆଦର୍ଶ କହିଛନ୍ତି। ପ୍ରଥମ ଦିନର ଆୟରେ ଆୟୁଷ୍ମାନ ତାଙ୍କର ବହୁ ଫିଲ୍ମକୁ ପଛରେ ପକାଇ ଦେଇଛନ୍ତି ବୋଲି କୁହାଯାଉଛି। ଦର୍ଶକଙ୍କ ବ୍ୟତୀତ ଫିଲ୍ମ କ୍ରିଟିକ୍ସ ମଧ୍ୟ ଏହାକୁ ଭଲ ରିଭ୍ୟୁ ଦେଇଛନ୍ତି। ପ୍ରାୟ ୨୫ କୋଟି ବଜେଟ୍ର ଏହି ଫିଲ୍ମ ଓ୍ବାର୍ଲଡ ଓ୍ବାଇଡ୍ ୩୫୫୦ ସ୍କ୍ରିନରେ ରିଲିଜ୍ କରାଯାଇଛି। ଗୁରୁତ୍ୱପୂର୍ଣ୍ଣ କଥା ହେଉଛି ଆୟୁଷ୍ମାନଙ୍କ ପ୍ରଥମ ଫିଲ୍ମ ଭାବେ ଏହା ସର୍ବାଧିକ ସ୍କ୍ରିନରେ ରିଲିଜ୍ ହୋଇଛି।
