ଭଞ୍ଜନଗର, ୨ ୮।୧୨(ବାବୁଲା ପ୍ରଧାନ): ସ୍ପେଶାଲ ଅପରେଶନ ଗ୍ରୁପ (ଏସଓଜି) ଚନ୍ଦକା ଠାରେ ୮ମ ରାଜ୍ୟ ପୋଲିସ ଆନ୍ତଃ ବାଟାଲିୟନ କମାଣ୍ଡୋ ପ୍ରତିଯୋଗିତା ଉଦ୍ଯାପିତ ହୋଇଯାଇଛି । ଏଥିରେ ଭଞ୍ଜନଗର ନିକଟସ୍ଥ ତନରଡ଼ା ଆଇଆରବି ଅଷ୍ଠମ ସତନ୍ତ୍ରବାଟାଲିୟନ ରନର୍ସ ଅପ ହୋଇଛି। ଯାହାକୁ ନେଇ ବାଟାଲିୟନ ଯବାନ ମାନେ ଖୁସିବ୍ୟକ୍ତ କରିଛନ୍ତି। ଏଏସଆଇ ଶ୍ରୀଧଜ ଅଧିକାରୀଙ୍କ ନେତୃତ୍ୱରେ ୨୫ ଜଣିଆ ଟିମ ଭୁବନେଶର ଯାଇଥିଲେ। ୨୧ ତାରିଖରୁ ୨୬ ତାରିଖ ପର୍ଯ୍ୟନ୍ତ ଏହି ଶିବିର ସେଠାରେ ହୋଇଥିଲା। ଶନିବାର ସନ୍ଧ୍ୟାରେ ଯବାନମାନେ ତନରଡ଼ା କ୍ୟାମ୍ପକୁ ଫେରିବା ପରେ ସେମାନଙ୍କୁ କମାଣ୍ଡିଙ୍ଗ ଅଫିସର୍ ସୁଧାକର ମିଶ୍ର, ଡେପୁଟୀ କମାଣ୍ଡିଙ୍ଗ ଅଫିସର୍ ଅଜୟ କୁମାର ମୁର୍ମୁ, ଆସିଷ୍ଟାଣ୍ଟ କମାଣ୍ଡିଙ୍ଗ ଅଫିସର୍ ମନୋରଞ୍ଜନ ତରାଇ, ବିଘ୍ନେଶ୍ୱର ରାଓ, ଏସ ଖାନ ପ୍ରମୁଖ ଶୁଭେଚ୍ଛା ଜଣାଇଛନ୍ତି। ଉଦଯାପନୀ ଉତ୍ସବରେ ଆରକ୍ଷୀ ମହାନିର୍ଦ୍ଦେଶକ ( କ୍ରାଇମବ୍ରାଞ୍ଚ) ବିନୟତୋଷ ମିଶ୍ର ମୁଖ୍ୟ ଅତିଥି ଭାବେ ଯୋଗ ଦେଇ ପ୍ରତିଯୋଗିତାରେ ଶ୍ରେଷ୍ଠ ବିବେଚିତ ହୋଇଥିବା ବିଭିନ୍ନ ବାଟାଲିୟନ ଓ ଶ୍ରେଷ୍ଠ କମାଣ୍ଡୋ ମାନଙ୍କୁ ସମ୍ବର୍ଦ୍ଧିତ କରିଥିଲେ।
ଏହି ପ୍ରତିଯୋଗିତାରେ ଓଏସଏପି ଷଷ୍ଠ ବାଟାଲିୟନ, କଟକ ଚମ୍ପିୟନ ଦଳ ଭାବେ ପୁରସ୍କୃତ ହୋଇଥିବା ବେଳେ ଅଷ୍ଟମ ସ୍ବତନ୍ତ୍ର ଆଇଆରବି ବାଟାଲିୟନ ଭଞ୍ଜନଗର ରନର୍ସ-ଅପ ଦଳ ଭାବେ ପୁରସ୍କୃତ ହୋଇଥିଲା। ସେହିପରି ୪ର୍ଥ ଆଇଆରବି ବାଟାଲିୟନ ଦେଓଗଡ଼ ହାର୍ଡ ଲାଇନର୍ ଟ୍ରଫି ହାସଲ କରିଛି।ଏହାକୁ ବାଦ୍ ଦେଇ ଶ୍ରେଷ୍ଠ କମାଣ୍ଡୋ ଭାବେ କପୁର ଚନ ଭୁଏ, ହାବିଲଦାର କେଶବ ଧରୁଆ ଦ୍ୱିତୀୟ ଶ୍ରେଷ୍ଠ କମାଣ୍ଡୋ ଏବଂ କପୁର ଚନ ଭୁଏ ଚିତା ଟ୍ରଫି ମୁଖ୍ୟ ଅତିଥିଙ୍କ ନିକଟରୁ ଗ୍ରହଣ କରିଥିଲେ। ପ୍ରତିଯୋଗିତାରେ ଓଡ଼ିଶା ପୁଲିସର ବିଭିନ୍ନ ସଶସ୍ତ୍ର ବାଟାଲିୟନ୍ର ୧୭ ଟି ଟିମର ୪୦୨ ଜଣ କମାଣ୍ଡୋ ଅଂଶ ଗ୍ରହଣ କରି ନିଜ ଦକ୍ଷତା ପ୍ରଦର୍ଶନ କରିଥିଲେ। ଉଦ୍ଯାପନୀ ସମାରୋହରେ ଅତିରିକ୍ତ ଆରକ୍ଷୀ ମହାନିର୍ଦ୍ଦେଶକ ( ଆଧୁନିକୀକରଣ) ସୌମେନ୍ଦ୍ର ପ୍ରିୟଦର୍ଶୀ, ଅତିରିକ୍ତ ଆରକ୍ଷୀ ମହାନିର୍ଦ୍ଦେଶକ (ସଶସ୍ତ୍ର) ରାଜେଶ କୁମାର, ମାଣ୍ଡାଣ୍ଟ, ଏସଓଜି, ଲୋଚନ ପଶାୟତ, କ୍ରୀଡା ଅଧିକାରୀ, ନୀଳ ମାଧବ ସାଇଁ ପ୍ରମୁଖ ଉପସ୍ଥିତ ଥିଲେ ।
