ଢାକା,୧୯ା୫: ଘରୋଇ ବାଂଲାଦେଶ ଓ ପାକିସ୍ତାନ ମଧ୍ୟରେ ଚାଲିଥିବା ଦ୍ୱିତୀୟ ଟେଷ୍ଟ ମ୍ୟାଚ୍ ମଙ୍ଗଳବାର ନିର୍ଣ୍ଣାୟକ ମୋଡ଼ରେ ପହଞ୍ଚିଛି। ପ୍ରଥମ ଇନିଂସରେ ବାଂଲାଦେଶ ୨୭୮ ରନ କରିଥିବା ବେଳେ ପାକିସ୍ତାନ ୨୩୨ ରନ କରିଥିଲା।
ପ୍ରଥମ ଇନିଂସରେ ୪୬ ରନରେ ଆଗରେ ରହିଥିବା ବାଂଲାଦେଶ ଦ୍ୱିତୀୟ ଇନିଂସରେ ୩୯୦ ରନ କରିଥିଲା। ଫଳରେ ୪୩୭ ରନର ଟାଗେର୍ଟ ନେଇ ଓହ୍ଲାଇଥିବା ଭ୍ରମଣକାରୀ ପାକିସ୍ତାନ ଚତୁର୍ଥ ଦିନ ଶେଷ ପର୍ଯ୍ୟନ୍ତ ବ୍ୟାଟିଂ କରି ଦ୍ୱିତୀୟ ଇନିଂସରେ ୭ ଉଇକେଟ ହରାଇ ୩୧୬ ରନ କରିଛି। ଦଳ ପାଇଁ ଅଧିନାୟକ ଶାନ ମାସୁଦ ୭୧, ସଲମାନ ଅଲୀ ଆଘା ୭୧ ଓ ବାବର ଆଜମ ୪୭ ରନ କରିଥିବା ବେଳେ ବାଂଲାଦେଶ ପାଇଁ ତାଇଜୁଲ ଇସଲାମ ୪ ଓ ନାହିଦ ରାଣା ୨ ଉଇକେଟ ନେଇଛନ୍ତି। ଷ୍ଟମ୍ପ୍ସ ଅପସାରଣ ବେଳକୁ ମହମ୍ମଦ ରିଜଓ୍ବାନ ୭୫ ଓ ସାଜିଦ ଖାନ ୮ ରନରେ ବ୍ୟାଟିଂ କରୁଛନ୍ତି।
ବୁଧବାର ମ୍ୟାଚ୍ର ଅନ୍ତିମ ତଥା ପଞ୍ଚମ ଦିନ ହୋଇଥିବା ବେଳେ ପାକିସ୍ତାନ ହାତରେ ୩ ଉଇକେଟ ସୁରକ୍ଷିତ ରଖି ଜିତିବା ପାଇଁ ୧୨୧ ରନ ଆବଶ୍ୟକ କରୁଛି।
