ନୂଆଦିଲ୍ଲୀ, ୨୭।୧୨: ଆଜିର ଦ୍ରୁତଗତି ଜୀବନଶୈଳୀରେ ପ୍ରତ୍ୟେକ ବ୍ୟକ୍ତି ଡିଜିଟାଲ୍ ପେମେଣ୍ଟ୍ ଉପରେ ନିର୍ଭରଶୀଳ ହୋଇଯାଇଛନ୍ତି। ପରିବା କିଣିବା ହେଉ, କାଫେରେ କଫି ପିଇବା ହେଉ କିମ୍ବା ଅନଲାଇନ୍ ସପିଂ କରିବା ହେଉ — UPI ଏବେ ସବୁଠାରୁ ସହଜ ଓ ଲୋକପ୍ରିୟ ଉପାୟ ହୋଇଛି। କିନ୍ତୁ ଅନେକ ସମୟରେ ପେମେଣ୍ଟ୍ କରିବା ବେଳେ ବ୍ୟାଙ୍କ ଆକାଉଣ୍ଟ୍ରେ ପର୍ଯ୍ୟାପ୍ତ ବାକି ନ ଥାଏ, ଯାହାଦ୍ୱାରା ଲଜ୍ଜା ହୁଏ ଏବଂ କାମ ଅଟକିଯାଏ। ଏହି ସମସ୍ୟାର ସମାଧାନ ଆଣିଛି ଭାରତର ପ୍ରମୁଖ ଫିନଟେକ୍ କମ୍ପାନି ଭାରତ ପେ’ ଓ ଯସ୍ ବ୍ୟାଙ୍କର ନୂଆ ସହଯୋଗ। ସେମାନେ ମିଳିତ ଭାବେ ଏକ ନୂତନ ସେବା ଆରମ୍ଭ କରିଛନ୍ତି — ‘Pay Later with BharatPe’। ଏହା ଏକ ଡିଜିଟାଲ୍ କ୍ରେଡିଟ୍ ସେବା, ଯାହାଦ୍ୱାରା UPI ପେମେଣ୍ଟ୍ କରିବା ବେଳେ ଆକାଉଣ୍ଟ୍ରେ ଟଙ୍କା ନ ଥିଲେ ମଧ୍ୟ ଆପଣ ସହଜରେ ଭୁଗତାନ କରିପାରିବେ। ଏହି ସେବା ପୂରାପୂରି NPCI (ନେସନାଲ୍ ପେମେଣ୍ଟ୍ସ୍ କର୍ପୋରେସନ୍ ଅଫ୍ ଇଣ୍ଡିଆ) ସିଷ୍ଟମ୍ ଉପରେ ଆଧାରିତ, ତେଣୁ ଏହାର ସୁରକ୍ଷା ଓ ବିଶ୍ୱାସଯୋଗ୍ୟତା ଉପରେ କୌଣସି ପ୍ରଶ୍ନ ଉଠେ ନାହିଁ।
- କାଗଜପତ୍ର ବିନା ତୁରନ୍ତ କ୍ରେଡିଟ୍:
ଏହି ସେବାର ସବୁଠାରୁ ବଡ଼ ଲାଭ ହେଉଛି — ଆପଣଙ୍କୁ ଅଲଗା ଲୋନ୍ କିମ୍ବା କ୍ରେଡିଟ୍ କାର୍ଡ୍ ପାଇଁ ଆବେଦନ କରିବାକୁ ପଡ଼ିବ ନାହିଁ। ଭାରତପେ ଆପ୍ରେ ‘Pay Later’ ଅପସନ୍ ବାଛି ଯସ୍ ବ୍ୟାଙ୍କର KYC ପ୍ରକ୍ରିୟା ସମ୍ପନ୍ନ କଲେ କିଛି ମିନିଟ୍ ଭିତରେ ଆପଣଙ୍କ କ୍ରେଡିଟ୍ ପ୍ରୋଫାଇଲ୍ ଯାଞ୍ଚ ହୋଇଯାଏ ଏବଂ କ୍ରେଡିଟ୍ ସୀମା ମିଳିଯାଏ। ସୀମା ଅନୁମୋଦିତ ହେବାମାତ୍ରେ ଆପଣ ଯେକୌଣସି ଦୋକାନରେ QR କୋଡ୍ ସ୍କାନ୍ କରି କିମ୍ବା ଅନଲାଇନ୍ ପେମେଣ୍ଟ୍ କରିପାରିବେ।
- ୪୫ ଦିନ ପର୍ଯ୍ୟନ୍ତ ସୁଧମୁକ୍ତ ସମୟ:
ଏହି ସେବାର ସବୁଠାରୁ ଆକର୍ଷଣୀୟ ବିଶେଷତା ହେଉଛି ୪୫ ଦିନର ଇଣ୍ଟରେଷ୍ଟ୍-ଫ୍ରି ପିରିୟଡ୍। ଏହି ସମୟ ଭିତରେ ଆପଣ ପୂରା ଟଙ୍କା ଫେରସ୍ତ କରିଦେଲେ ଏକ ପଇସା ବି ସୁଧ ଦେବାକୁ ପଡ଼ିବ ନାହିଁ। ଏହା ଖାସକରି ସେହି ବ୍ୟକ୍ତିମାନଙ୍କ ପାଇଁ ଉପଯୋଗୀ ଯାହାଙ୍କ ସାଲାରୀ ମାସ ଶେଷରେ ଆସେ କିମ୍ବା ଅକାଳରେ ଖର୍ଚ୍ଚ ହୁଏ। ପୁରୁଣା ବାକି ଶୋଧ ହେବାମାତ୍ରେ କ୍ରେଡିଟ୍ ସୀମା ପୁଣି ପୁନଃସ୍ଥାପିତ ହୋଇଯାଏ।
ଯଦି ୪୫ ଦିନ ଭିତରେ ପୂରା ଟଙ୍କା ଶୋଧ କରିପାରନ୍ତି ନାହିଁ, ତେବେ ୩ ରୁ ୧୨ ମାସ ପର୍ଯ୍ୟନ୍ତ ସହଜ EMI ରେ ଭୁଗତାନ କରିପାରିବେ। ଏହାଦ୍ୱାରା ଏକାଥରକେ ବଡ଼ ବୋଝ ପଡ଼େ ନାହିଁ ଓ ବଜେଟ୍ ବିଗିଡ଼େ ନାହିଁ। ଛୋଟ ବ୍ୟବସାୟୀଙ୍କ ପାଇଁ ରାହତ ଏହି ସେବା କେବଳ ସାଧାରଣ ଗ୍ରାହକଙ୍କ ପାଇଁ ନୁହେଁ, ଛୋଟ ଦୋକାନଦାର ଓ ବ୍ୟବସାୟୀଙ୍କ ପାଇଁ ମଧ୍ୟ ବହୁତ ଉପକାରୀ। ବ୍ୟାଙ୍କରୁ ଲୋନ୍ ନେବାର ଜଟିଳ ପ୍ରକ୍ରିୟାରୁ ମୁକ୍ତି ମିଳେ। ତୁରନ୍ତ ଡିଜିଟାଲ୍ କ୍ରେଡିଟ୍ ପାଇ ମାଲ କିଣି ବ୍ୟବସାୟ ବଢ଼ାଇପାରିବେ। ରିୱାର୍ଡ୍ର ଅତିରିକ୍ତ ଲାଭ ପ୍ରତ୍ୟେକ ପେମେଣ୍ଟ୍ରେ ଭାରତପେ UPI ରିୱାର୍ଡ୍ସ୍ ଅନ୍ତର୍ଗତ Zillion Coins ମିଳେ। ଏହି କଏନ୍ଗୁଡ଼ିକ ଜମା ହୋଇ ଭବିଷ୍ୟତରେ ଶପିଂ, ଭାଉଚର କିମ୍ବା ଇଉଟିଲିଟି ବିଲ୍ ପରିଶୋଧରେ ବ୍ୟବହାର କରାଯାଇପାରେ। ଅର୍ଥାତ୍ ଖର୍ଚ୍ଚ ସହିତ ବଞ୍ଚତ୍ ମଧ୍ୟ।ଭାରତପେ ଓ ଯସ୍ ବ୍ୟାଙ୍କର ଏହି ନୂଆ ସହଯୋଗ ଦ୍ୱାରା UPI ଆହୁରି ଶକ୍ତିଶାଳୀ ହୋଇଛି ଏବଂ କ୍ରେଡିଟ୍କୁ ସମସ୍ତଙ୍କ ପାଖରେ ପହଞ୍ଚାଇଛି।
Dharitri – Odisha’s No.1 Odia Daily
