ଭୋପାଳ,୧।୧୦ : ମଧ୍ୟପ୍ରଦେଶ ମୁଖ୍ୟମନ୍ତ୍ରୀ ଶିବରାଜ ସିଂ ଚୌହାନ ଏକ ନିର୍ବାଚନରାଲିରେ କଂଗ୍ରେସ ଏମପି ରାହୁଲ ଗାନ୍ଧୀଙ୍କୁ ତାଙ୍କମିଥ୍ୟା ବିବୃତ୍ତି ନେଇ କଡ଼ା ସମାଲୋଚନା କରିଛନ୍ତି। ସୋସିଆଲ ମିଡିଆ ପ୍ଲାଟଫର୍ମ ବ୍ୟବହାର କରି ମୁଖ୍ୟମନ୍ତ୍ରୀ ଶିବରାଜ ନିଜର ଅସନ୍ତୋଷ ବ୍ୟକ୍ତ କରି କହିଛନ୍ତି, ରାହୁଲ ଗାନ୍ଧୀ ଜୀ ମଧ୍ୟପ୍ରଦେଶକୁ ଆସି ବହୁତ କଥା କହିଛନ୍ତି। କିନ୍ତୁ ସେ କେବଳ ମିଛ କହିଥିଲେ। ତାଙ୍କର ମିଥ୍ୟା ପ୍ରତିଶ୍ରୁତିର ଶିକାର ହେବାକୁ ରାଜ୍ୟରେ କେହି ନାହାଁନ୍ତି। ଜନସାଧାରଣ ସବୁକିଛି ଜାଣିଛନ୍ତି।
ରାଜ୍ୟ ଗସ୍ତ ସମୟରେ ରାହୁଲ ଗାନ୍ଧୀ ମଧ୍ୟପ୍ରଦେଶ ସରକାରଙ୍କୁ ଦୁର୍ନୀତିର କେନ୍ଦ୍ର ବୋଲି କହି ଭାଜପାକୁ ଟାର୍ଗେଟ କରିଥିଲେ। କୃଷକମାନଙ୍କୁ ସେମାନଙ୍କ ଉତ୍ପାଦ ପାଇଁ ଉଚିତ ମୂଲ୍ୟ ନ ଦେଉଥିବା ସେ ଅଭିଯୋଗ କରିଥିଲେ। ଶାଜାପୁରରେ ଏକ ରାଲିରେ ସମ୍ବୋଧିତ କରି ରାହୁଲ ଗାନ୍ଧୀ ମଧ୍ୟ ଜନଜାତି ଜନଗଣନା ତଥ୍ୟ ତଥା ସଚିବ ସ୍ତରୀୟ ପଦବୀରେ ଓବିସି (ଅନ୍ୟ ପଛୁଆ ବର୍ଗ) ର କମ ପ୍ରତିନିଧିତ୍ୱ ନ କରିଥିବାରୁ ଭାଜପା ନେତୃତ୍ୱାଧୀନ କେନ୍ଦ୍ର ସରକାରଙ୍କୁ ସମାଲୋଚନା କରିଥିଲେ।
ଭାଜପା ସରକାର ସମାଜରେ ବିଭାଜନ ସୃଷ୍ଟି କରିବାକୁ ଚେଷ୍ଟା କରୁଛନ୍ତି। କଂଗ୍ରେସ ପାର୍ଟିର ପ୍ରେମ, ସମ୍ମାନ ଏବଂ ଭାଇଚାରା ନୀତି ଏବଂ ଭାଜପା ଦ୍ୱାରା ପ୍ରଚାରିତ ଘୃଣା ଓ ହିଂସା ମଧ୍ୟରେ ଥିବା ପାର୍ଥକ୍ୟ ଉପରେ ସେ ଗୁରୁତ୍ୱାରୋପ କରିଥିଲେ। ମଧ୍ୟପ୍ରଦେଶର ଯୁବବର୍ଗ ଓ କୃଷକମାନେ ଭାଜପାଠାରୁ ଦୂରେଇ ଯାଉଥିବା ସେ କହିଥିଲେ। ଭାଜପା ସରକାରଙ୍କ ଶାସନରେ ରାଜ୍ୟ ଦୁର୍ନୀତିର ଏକ ହଟସ୍ପଟ ପାଲଟିଥିବା ସେ କହିଥିଲେ।
ଏହାର ଜବାବରେ ଶିବରାଜ ରାହୁଲ ମନଗଢ଼ା କଥା କହିଥିବା ଅଭିଯୋଗ କରିଛନ୍ତି। ଏହାର କୌଣସି ସତତ୍ୟା ନ ଥିବା ସେ କହିଛନ୍ତି।
