ମୁମ୍ବାଇ: ୨୦୧୯ରେ ଦକ୍ଷିଣର ଜଣେ ଝିଅ ସ୍କୁଲ ଡ୍ରେସ୍ରେ ଥାଇ ଆଖି ମାରି ରାତାରାତି ପ୍ରସିଦ୍ଧ ହୋଇଥିଲେ। ସେ ଆଉ କେହି ନୁହନ୍ତି, ସେ ହେଉଛନ୍ତି ମାଲାୟଲମ ଅଭିନେତ୍ରୀ ପ୍ରିୟା ପ୍ରକାଶ। ତାଙ୍କୁ ଲୋକେ ‘ଓ୍ବିଙ୍କ୍ ଗର୍ଲ’ ଭାବେ ଜାଣନ୍ତି। ଯିଏ କି ତାଙ୍କ ଆକର୍ଷଣୀୟ ଶୈଳୀ ସହିତ ରାତାରାତି ଇଣ୍ଟରନେଟ୍ ସେନ୍ସେସନ୍ ପାଲଟିଥିଲେ। ଏହି ମାଲାୟଲମ ଅଭିନେତ୍ରୀ, କେବଳ ଦେଶରେ ନୁହେଁ, ସାରା ବିଶ୍ୱରେ ‘ଓ୍ବିଙ୍କ୍ ଗର୍ଲ’ ଭାବରେ ଜଣାଶୁଣା। ତାଙ୍କ ଫଟୋ ଶେୟାର କରି ସୋସିଆଲ ମିଡିଆ ମାଧ୍ୟମରେ ଲକ୍ଷ ଲକ୍ଷ ଲୋକଙ୍କ ଦୃଷ୍ଟି ଆକର୍ଷଣ କରନ୍ତି। ଅଭିନେତ୍ରୀ ବେଳେବେଳେ ଇନ୍ଷ୍ଟାଗ୍ରାମରେ ନିଜର ବୋଲ୍ଡ ଫଟୋ ପ୍ରଦର୍ଶନ କରନ୍ତି, କେବେ ପାରମ୍ପରିକ, ବେଳେବେଳେ ଗୀତ ଗାଇ, ଡ୍ୟାନ୍ସ କରି ପ୍ରଶଂସକଙ୍କୁ ମନୋରଞ୍ଜନ କରନ୍ତି। ଆଜିକାଲି ସେ ବିଭିନ୍ନ ଫଟୋଶୁଟ୍ କରି ପ୍ରଶଂସକଙ୍କ ଦୃଷ୍ଟି ଆକର୍ଷଣ କରୁଛନ୍ତି।
ପ୍ରିୟା ପ୍ରକାଶ ଏବେ ମାଳଦ୍ୱୀପରେ ଛୁଟି ମନାଉଛନ୍ତି। ସେ ନିଜେ ଏ ବିଷୟରେ ଫଟୋ ଶେୟାର କରି ଜଣାଇଛନ୍ତି। ୨୩ ବର୍ଷ ବୟସରେ ପ୍ରିୟା ପ୍ରକାଶ ବହୁତ ପରିବର୍ତ୍ତନ କରିଛନ୍ତି ଏବଂ ବର୍ତ୍ତମାନ ତାଙ୍କ ଚେହେରା ଦିନକୁ ଦିନ ଉଜ୍ଜ୍ୱଳ ହେବାରେ ଲାଗିଛି। ଇଣ୍ଟରନେଟ ସେନ୍ସେସନ୍ ହେବା ପରେ ପ୍ରିୟା ବହୁତ କାମ କରିଛନ୍ତି।
ଓ୍ବାର୍କ ଫ୍ରଣ୍ଟ ବିଷୟରେ କହିବାକୁ ଗଲେ ଏହି ଅଭିନେତ୍ରୀ ଖୁବ୍ଶୀଘ୍ର ‘ଶ୍ରୀଦେବୀ ବଙ୍ଗଳା’ରେ ନଜର ଆସିବେ। ଯାହା ମାଧ୍ୟମରେ ସେ ହିନ୍ଦୀ ଡେବ୍ୟୁ କରିବାକୁ ଯାଉଛନ୍ତି। ଯାହାର କିଛି ଅଂଶ ଶୁଟ୍ ହୋଇଥିଲେ ହେଁ ଅନ୍ୟ ଦୃଶ୍ୟଗୁଡ଼ିକ ଶୁଟିଂ ହେବାରେ ବିଳମ୍ବ ହେଉଛି।
