ଅହମଦାବାଦ,୫।୧୨ : ଗୁଜରାଟର ୧୪ ଟି ଜିଲାର ୯୩ ଟି ଆସନରେ ସୋମବାର ଦ୍ୱିତୀୟ ପର୍ଯ୍ୟାୟ ପାଇଁ ଭୋଟ ଆରମ୍ଭ ହୋଇଛି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏବଂ କେନ୍ଦ୍ର ସ୍ବରାଷ୍ଟମନ୍ତ୍ରୀ ଅମିତ ଶାହା ଅହମଦାବାଦରେ ଧାଡ଼ିରେ ଠିଆ ହୋଇ ଭୋଟ ଦେଇଛନ୍ତି। ପୂର୍ବାହ୍ନ ସାଢ଼େ ୯ଟାରେ ପ୍ରଧାନମନ୍ତ୍ରୀ ରାନିପର ନିଶାନ ପବ୍ଲିକ୍ ସ୍କୁଲରେ ଥିବା ମତଦାନ କେନ୍ଦ୍ରରେ ପହଞ୍ଚି ଭୋଟ ଦେଇଛନ୍ତି।
ବନାସକାଣ୍ଠା, ପଟନା, ମେହସାଣା, ସାବରକାଣ୍ଠା, ଅରାବଲି, ଗାନ୍ଧିନଗର, ଅହମଦାବାଦ, ଆନନ୍ଦ, ଖେଡା, ମହିସାଗର, ପଞ୍ଚ ମହଲ, ଦାହୋଦ, ବଡୋଦରା ଏବଂ ଛୋଟା ଉଦୟପୁର ଆଦି ଜିଲାରେ ମତଦାନ ଜାରି ରହିଛି।
ମତଦାନ କରିବା ପରେ ପ୍ରଧାନମନ୍ତ୍ରୀ କହିଛନ୍ତି ଯେ ଏହା ଗଣତନ୍ତ୍ରର ପର୍ବ ଏବଂ ଭୋଟରମାନେ ଏହାକୁ ଉତ୍ସାହର ସହ ପାଳନ କରୁଛନ୍ତି। ଏଥିପାଇଁ ମୁଁ ଆପଣଙ୍କୁ ଅଭିନନ୍ଦନ ଜଣାଉଛି ମୁଁ ନିର୍ବାଚନ ଆୟୋଗଙ୍କୁ ମଧ୍ୟ ଅଭିନନ୍ଦନ ଜଣାଉଛି ଯେ ସେମାନେ ନିର୍ବାଚନକୁ ଏକ ପ୍ରଶଂସନୀୟ ଢଙ୍ଗରେ ବିକଶିତ କରିଛନ୍ତି ଯାହା ସମଗ୍ର ବିଶ୍ୱରେ ଭାରତର ଗଣତନ୍ତ୍ରର ମହାନ ପରମ୍ପରାକୁ ପରିଚିତି କରାଇଛି।
